Post News Media ព័ត៌មានអន្តរជាតិ គ្រោះរញ្ជួយដី...

គ្រោះរញ្ជួយដីដ៏ខ្លាំងក្លា វាយប្រហារនៅឥណ្ឌូនេស៊ី ផ្ដាច់ជីវិតមនុស្ស ៨២ នាក់ និងរបួសជាច្រើននាក់

ឥណ្ឌូនេស៊ី: អ្នកនាំពាក្យទីភ្នាក់ងារគ្រោះមហន្តរាយជាតិ លោក Sutopo Purwo Nugroho បាននិយាយនៅថ្ងៃច័ន្ទនេះថា ករណីគ្រោះរញ្ជួយដីដ៏ខ្លាំងក្លាកម្រិត ៦.៩ រ៉ិចទ័រ បានវាយប្រហារនៅកោះឥណ្ឌូណេស៊ី Lombok ដោយសម្លាប់មនុស្ស ៨២ នាក់ និងរាប់រយនាក់ទៀតរងរបួស។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៦ ខែសីហា ឆ្នាំ២០១៨។

ហេតុការណ៍នេះ បានបង្កឲ្យមានការភ័យស្លន់ស្លោ ក្នុងចំណោមអ្នកទេសចរ និងអ្នកស្រុក កាលពីយប់ថ្ងៃអាទិត្យ នៅក្បែរកោះជិតខាងនៃកោះបាលីផងដែរ ខណ:វាជាគោលដៅទេសចរណ៍ ឈានមុខគេរបស់ប្រទេសអាស៊ីអាគ្នេយ៍មួយនេះ។

យោងតាមរបាយការណ៍របស់ភ្នាក់ងារ AFP បានឲ្យដឹងថា រញ្ជួយដីនេះ ដំបូងទ្បើយត្រូវបានគេរាយការណ៍ថា មានកម្រិត ៧.០ រ៉ិចទ័រ តែក្រោយមកត្រូវបានបញ្ជាក់ថា មានកម្រិត ៦.៩ រ៉ិចទ័រ ដោយការស្ទង់ទីតាំងភូមិសាស្ត្ររបស់អាមេរិក។

សូមជំរាបថា នៅប៉ុន្មានសប្តាហ៍ចុងក្រោយនេះ គេសង្កេតឃើញថា ភាគកណ្តាលប្រទេសឥណ្ឌូណេស៊ី ជាញឹកញាប់តែងទទួលរង​គ្រោះរញ្ជួយដី ដោយកាលពីចុងខែកក្កដាកន្លងទៅ មានគ្រោះរញ្ជួយដីមួយ​កម្រិត​​ ៦.៤រ៉ិចទ័រ បានវាយប្រហារ​លើកោះទេសចរណ៍នេះ ដែលបានផ្តាច់ជីវិតមនុស្សយ៉ាងតិច១៤នាក់ និង​របួស​ជាង​​១៦០នាក់៕

Loading...