Post News Media ព័ត៌មានអន្តរជាតិ មនុស្សម្នាភ័យ...

មនុស្សម្នាភ័យស្លន់ស្លោ រត់ចែកជើងគ្នា ខណ:គ្រោះរញ្ជួយដីថ្មីមួយទៀតដ៏ខ្លាំងក្លាកម្រិត ៦.២រ៉ិចទ័រ វាយប្រហារនៅឥណ្ឌូនេស៊ី

ឥណ្ឌូនេស៊ី: តាមសេចក្ដីរាយការណ៍ នៅថ្ងៃព្រហស្បតិ៍នេះ បានឲ្យដឹងថា មានករណីគ្រោះរញ្ជួយដីថ្មីមួយ មានអនុភាពដ៏ខ្លាំងក្លាកម្រិត ៦.២ រ៉ិចទ័រ បានវាយប្រហារនៅកោះ Lombok របស់ឥណ្ឌូនេស៊ី បន្ទាប់ពីហេតុការណ៍នេះ បានកើតទ្បើងជាបន្តបន្ទាប់ ក្នុងប្រទេស បណ្ដាលឲ្យអគារជាច្រើនបាក់រលំ និងមនុស្សជាង ១៥០ នាក់ស្លាប់បាត់ជីវិត ក្នុងរយ:ពេលពីរសប្ដាហ៍កន្លងមកនេះ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៩ ខែសីហា ឆ្នាំ២០១៨។

លោក Sutopo Purwo Nugroho អ្នកនាំពាក្យរបស់ទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូនេស៊ី បាននិយាយថា មនុស្សជាច្រើន ត្រូវបានជម្លៀសខ្លួនចេញ ខណ:អ្នកផ្សេងបានរត់ចេញពីផ្ទះ ដោយសារពួកគេភ័យស្លន់ស្លោពីការរញ្ជួយដីនេះ រីឯមនុស្សមួយចំនួនបានរងរបួស។ (

តាមការស្ទង់ភូមិសាស្ត្ររបស់អាមេរិក (USGS) បានកត់ត្រាថា រញ្ជួយដីចុងក្រោយនេះ មានកម្រិត ៥.៩ រ៉ិចទ័រ ដែលមានអនុភាពវាយប្រហារក្នុងជម្រៅ ១០ គីឡូម៉ែត្រ៕

Loading...