Post News Media ព័ត៌មានអន្តរជាតិ អ្នកជំនាញចិន៖...

អ្នកជំនាញចិន៖ ទំនាក់ទំនងអាមររិក និងចិន កំពុងស្ថិតក្នុងទិសដៅដ៏គ្រោះថ្នាក់ ទៅលើកោះតៃវ៉ាន់

ចិន: អ្នកជំនាញគោលនយោបាយការបរទេសចិន បានព្រមានថា អាកប្បកិរិយារបស់រដ្ឋបាលអាមេរិក នាពេលបច្ចុប្បន្ន ទៅលើកោះតៃវ៉ាន់ កំពុងធ្វើឲ្យទ្បើងកម្ដៅ ដែលអាចនាំឲ្យទំនាក់ទំនងរវាងអាមេរិក និងចិន កាន់តែមានភាពប្រេះឆាខ្លាំងទ្បើង។ នេះបើយោងតាមសារព័ត៌មាន Channel News Asia ចេញញផ្សាយនៅថ្ងៃទី១៨ ខែសីហា ឆ្នាំ២០១៨។

សាស្រ្តាចារ្យលោក Jia Qingguo ជាព្រឹទ្ធបុរសនៃសាកលវិទ្យាល័យ Peking ដែលសិក្សាពីនយោ​បាយអន្តរជាតិ បានចង្អុលបង្ហាញថា៖ «រដ្ឋបាលលោក ត្រាំ បានឈ្លានពានយ៉ាងខ្លាំងក្លា ក្នុងការជំរុញបញ្ហាដល់កោះតៃវ៉ាន់ ហើយក៏កំពុងប្រែស្ថានការណ៍ ឲ្យធ្លាក់ចូលក្នុងទិសដៅដ៏គ្រោះថ្នាក់បំផុត»។

កាលពីខែធ្នូ ឆ្នាំ ២០១៦ លោក ដូណាល់ ត្រាំ ដែលពេលនោះ លោកជាប្រធានាធិបតីទើបជាប់ឆ្នោតអាមេរិក បានបង្កឲ្យមានភាពចម្រូងចម្រាស ដោយលោកបានទទួលការហៅទូរស័ព្ទ ពីប្រធានាធិបតីកោះតៃវ៉ាន់លោកស្រី ត្សៃ អ៊ីងវេន។ ខណ:ការហៅនេះ ត្រូវបានគេចាត់ទុកថា ជាទំនាក់ទំនងដំបូងគេ មិនធ្លាប់មានក្នុងរយ:ពេលជិត ៤ ទសវត្សរ៍រវាងមេដឹកនាំតៃវ៉ាន់ និងប្រធានាធិបតីអាមេរិក ដែលកំពុងកាន់អំណាច។

ដោយវាបានបណ្តាលឲ្យមានការទាស់ទែងគ្នា ផ្នែកការទូតនៅក្នុងប្រទេសចិន ដែលអ្នកខ្លះ កំពុងមានការព្រួយបារម្ភថា លោក ត្រាំ នឹងងាកចេញពីការគាំទ្រគោលនយោបាយចិនតែមួយ ដែលអាចបង្កផលប៉ះពាល់ដល់ទំនាក់ទំនងរវាងប្រទេសទាំងពីរ៕