Post News Media ព័ត៌មានអន្តរជាតិ មេដឹកនាំ ISIS...

មេដឹកនាំ ISIS នៅអាហ្វហ្គានីស្ថាន ត្រូវបានសម្លាប់នៅក្នុងការវាយឆ្មក់តាមអាកាស

អាហ្វហ្គានីស្ថាន: មេដឹកនាំរបស់ក្រុម ISIS នៅអាហ្វហ្គានីស្ថានទី៤ ហើយ ដែលត្រូវបានសម្លាប់ នៅក្នុងការវាយប្រហារតាមអាកាស ស្ថិតនៅភាគខាងកើតខេត្ត Nangarhar ចាប់តាំងពីការវាយឆ្មក់ បានកើតទ្បើងក្នុងប្រទេសនៅប៉ុន្មានឆ្នាំចុងក្រោយនេះ។ នេះបើយោងតាមសារព័ត៌មាន Aljazeera ថ្ងៃទី២៧ ខែសីហា​ ឆ្នាំ២០១៨។

នាយកដ្ឋានសន្តិសុខជាតិ បាននិយាយនៅក្នុងសេចក្តីថ្លែងការណ៍មួយ កាលពីថ្ងៃអាទិត្យថា មេដឹកនាំ ISIS លោក Abu Saad Erhabi និងសមាជិករដ្ឋអ៊ីស្លាមអ៊ីរ៉ាក់ និងក្រុមសកម្មប្រយុទ្ធ Levant ចំនួន ១០នាក់ផ្សេងទៀត បានស្លាប់បាត់បង់ជីវិត ក្នុងប្រតិបត្តិការវាយឆ្មក់រួមគ្នាមួយ ជាមួយកងកម្លាំងចម្រុះ កាលពីយប់ថ្ងៃសៅរ៍។

ការវាយប្រហារនេះ បានធ្វើទ្បើងទៅលើភូមិមួយ ស្ថិតក្នុងស្រុក Khugyani ក្បែរព្រំដែនជាមួយប្រទេសប៉ាគីស្ថាន ដោយបានបំផ្លាញនូវអាវុធ គ្រាប់រំសេវ និងយុទ្ធភណ្ឌជាច្រើន៕