ឥណ្ឌូណេស៊ី: មន្ត្រីម្នាក់បាននិយាយកាលពីថ្ងៃច័ន្ទថា គ្រោះមហន្តរាយ​​រលកយក្សស៊ូណាមិ នៅឥណ្ឌូណេស៊ី បានសម្លាប់មនុស្សយ៉ាងហោចណាស់ ៣៧៣ នាក់ និងរងរបួសជាង ១,៤០០ នាក់នៅលើកោះជ្វា និងស៊ូម៉ាត្រា។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៥ ខែធ្នូ ឆ្នាំ២០១៨។

លោក Sutopo Purwo Nugroho អ្នកនាំពាក្យរបស់ទីភ្នាក់ងារកាត់បន្ថយគ្រោះមហន្តរាយ របស់ឥណ្ឌូណេស៊ី បាននិយាយនៅក្នុងសេចក្តីថ្លែងការណ៍មួយថា មនុស្សចំនួន ១,៤៥៩ នាក់បានរងរបួស ខណ: ១២៨ នាក់ទៀតបានបាត់ខ្លួន។

ក្រុមអ្នកជួយសង្គ្រោះឥណ្ឌូណេស៊ី បានធ្វើការស្វែងរកអ្នករស់រានមានជីវិត ចំពេលមានភ្លៀងធ្លាក់យ៉ាងខ្លាំង បន្ទាប់ពីរលកយក្សស៊ូណាមី បានបង្កឲ្យមានការផ្ទុះភ្នំភ្លើង ចំពេលដែលអ្នកជំនាញបានព្រមានថា តំបន់ដែលរងការបំផ្លិចបំផ្លាញ អាចរងការវាយប្រហារ ដោយទឹករលកបោកពន្លិច។

អ្នកនាំពាក្យភ្នាក់ងារគ្រោះមហន្តរាយលោក Sutopo Purwo Nugroho បានថ្លែងថា៖ «ចំនួនជនរងគ្រោះ និងការខូចខាត នឹងបន្តកើនឡើង»៕