រ៉ូម៉ានី: នាវាផ្ទុកយន្តហោះចម្បាំង USS Fort McHenry បានមកដល់កំពង់ផែ Constanta នៃប្រទេសរ៉ូម៉ានីហើយ សម្រាប់រយ:ពេលបីថ្ងៃ ដើម្បីធ្វើសមយុទ្ធរួមគ្នា ជាមួយនាវាដឹកយន្តហោះចម្បាំងរូម៉ានី នៅក្នុងដែនទឹកអន្តរជាតិ នៃសមុទ្រខ្មៅ នាថ្ងៃទី ១០ ខែមករាខាងមុខ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៨ ខែមករា ឆ្នាំ២០១៩។

នៅថ្ងៃទី ៧ និងទី ១០ ខែមករា នាវា USS Fort McHenry (LSD-43) គឺមានវត្តមាននៅកំពង់ផែ Constanta នៅក្នុងដំណើរទស្សនកិច្ចនោះ ហើយនឹងត្រូវឈរជើងនៅលើចំណតយានដឹកអ្នកដំណើរ រយ:ពេល ៣ ថ្ងៃ បន្ទាប់ពីចាកចេញពីកំពង់ផែ នៅថ្ងៃព្រហស្បតិ៍ខាងមុខ។

ពាក់ព័ន្ធនឹងបញ្ហានេះ មន្ត្រីជាន់ខ្ពស់រ៉ូម៉ានី បានកត់សម្គាល់ថា ក្នុងអំឡុងពេលនៃដំណើរទស្សនកិច្ចនោះ អ្នកតំណាងរបស់នាវាអាមេរិក នឹងជួបជាមួយបញ្ជាកងនាវារ៉ូម៉ានី ហើយកងវរសេនាតូចមកពីកងម៉ារីនលេខ ៣០៧ នឹងធ្វើទស្សនកិច្ចលើនាវាអាមេរិក៕