ចិនៈ ជាលើកដំបូងនៃការបង្ហាញវត្តមាន នៅឯដែនអាកាសមួយ នៅអំទ្បុងខែវិច្ឆិកាកន្លងទៅ យន្តហោះគ្មានមនុស្សថ្មីបំផុតរបស់ចិន Sky Hawk នឹងមានសមត្ថភាពក្នុងការទំនាក់ទំនង ជាមួយយន្តហោះ ដែលមានមនុស្សបើក ហើយយន្តហោះទាំងពីរ គឺប្រើសម្រាប់ឈ្លបការណ៍ និងប្រតិបត្តិការប្រយុទ្ធ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១២ ខែមករា ឆ្នាំ២០១៩។

Sky Hawk ជាយន្តហោះបំបាំងកាយចុងក្រោយបំផុត ដែលគ្មានមនុស្សបើក ត្រូវបានដាក់ឈ្មោះ ដោយក្រុមហ៊ុនផលិតយានអវកាសវិទ្យាសាស្រ្ត និងឧស្សាហកម្មចិន (CASIC)។

វាត្រូវបានគេដាក់តាំងបង្ហាញនៅពិព័រណ៍អាកាសចរណ៍ និងអវកាសអន្តរជាតិចិនលើកទី ១២ ដែលត្រូវបានគេដឹងថា ជាការបង្ហាញដោយក្រុមហ៊ុន Zhuhai Airshow នៅក្នុងខែវិច្ឆិកា ជាមួយនឹងយន្តហោះគ្មានមនុស្សបើក CH-7 ដែលវាជាយន្តហោះប្រយុទ្ធ៕