ផ្ទះ ព័ត៌មានជាតិ រន្ធត់! អគ្គិ...

រន្ធត់! អគ្គិភ័យឆេះ​បន្ទប់​ឡៅតឿ ស្លាប់ស្ត្រីម្នាក់ជា​អាជីវករ​លក់​កាបូបនៅ​ផ្សារ​ឈូក​មាស​ ខណ:កំពុងដេកលក់នៅខាងក្នុង

0

ភ្នំពេញ:​ អគ្គិភ័យ​ដ៏​រន្ធត់​មួយ​បានបណ្តាលឲ្យស្ត្រី​ជា​អាជីវករ​លក់​កាបូបនៅ​ផ្សារ​ឈូក​មាស​ម្នាក់​ត្រូវភ្លើង​ឆេះស្លាប់​នៅក្នុងបន្ទប់​ឡៅតឿ​ យ៉ាង​អាណោចអាធ័ម​ សង្ស័យ​បណ្តាលមកពី​ទុស្សេ​ម៉ាស៊ីនត្រជាក់។

ហេតុការណ៍​ដ៏​រន្ធត់​នេះ​បានបង្កឲ្យមានការ​ភ្ញាក់​ផ្អើល​ឡើង​កាលពី​វេលាម៉ោង​១និង៤០នាទី​រំលង​អធ្រាត្រ​ ឈានចូលថ្ងៃទី​១២​ ខែ​មករា​ ឆ្នាំ​២០១៩​ ត្រង់ចំណុច​ផ្ទះ​អត់​លេខ​ ខាងត្បូងសាលាមុំ​ប្រមាណ​៣០០ម៉ែត្រ​ ស្ថិត​តាម​បណ្ដោយ​ផ្លូវ​លំ​ ភូមិ​គ្រាំង​អង្គ្រង​ សង្កាត់​ក្រាំង​ធ្នង់​ ខណ្ឌ​សែន​សុខ​។

សពជនងគ្រោះ​ខាងលើ​មាន​ឈ្មោះ​ លាង​ អ៊ី​ ភេទស្រី​ អាយុ៣៧ឆ្នាំ​ ជាអាជីវករ​លក់កាបូបនៅ​ផ្សារ​ឈូក​មាស​ និងមានប្តីឈ្មោះ​ ជ្រុន​ សុខដា​ អាយុ៤០ឆ្នាំ​ នៅលក់ជាមួយប្រពន្ធ និងមានកូនប្រុសស្រីតូចៗ២នាក់ផងដែរ​ ហើយពួកគាត់ស្នាក់នៅកន្លែងកើតហេតុខាងលើ។

បើតាមសម្តីពីបុរសជាប្តី​របស់ជនរងគ្រោះបាន​រៀបរាប់ប្រាប់​ឲ្យដឹងថា​ នៅមុនពេលកើតកាលព្រឹកថ្ងៃទី១១​កន្លងទៅថ្មីនោះ​ គាត់បានហៅជាងម៉ាស៊ីនត្រជាក់​ឲ្យមកធ្វើការលាងសម្អាត​នៅក្នុងបន្ទប់ជាន់ឡៅតឿ​ផ្នែកខាងមុខ​។ រហូតដល់យប់ថ្ងៃដដែល​ ប្រពន្ធ​របស់គាត់​ក៏​បាន​ត្រលប់មក​ពី​ផ្សារ​វិញ​ បាន​ត្អូញ​ថាមិនសូវ​ស្រួល​ខ្លួន​ រួចក៏បានលេបថ្នាំហើយចូលទៅដេកនៅក្នុងបន្ទប់កើតហេតុ​តែ​ម្នាក់ឯង​ ដោយដេញ​ឲ្យកូនទាំង២នាក់ទៅ​ដេកជាមួយគាត់ជាឪពុកនៅឯ​បន្ទប់ឡៅតឿ​ផ្នែក​ខាង​ក្រោយ​ ដែលនៅ​ទល់មុខ​នឹងបន្ទប់កើតហេតុ​ បន្ទប់​មកគាត់​ក៏បាននាំ​កូនៗទាំង២នាក់​ ចូលទៅដេកនៅក្នុងបន្ទប់​ឡៅតឿ​នោះទៅ។ លុះដល់វេលាកើត​ហេតុ​ខណ:​ពេល​ដែល​គាត់​និង​កូនៗ​កំពុងដេកលក់​ ក៏ស្រាប់​តែ​មាន​លឺសម្លេង​ផ្ទុះ​និងក្លិន​ឆ្ងៀម​ គាត់ក៏បាន​ស្ទុះងើប​ដេក​ស្រាប់តែឃើញមាន​សុទ្ធតែ​ផ្សែង​ខ្មៅ​ពេញ​ផ្ទះ​របស់គាត់។ ភ្លាមៗ​នោះគាត់​ក៏បានឆោឡោប្រញាប់ប្រញាល់​នាំកូនៗរបស់គាត់​ចេញទៅ​ខាងក្រៅ​ផ្ទះ​ បង្ក​ឲ្យ​មាន​ការ​ភ្ញាក់​ផ្អើល​ដល់ប្រជាពលរដ្ឋ​ដែល​រស់នៅក្បែរខាង​ ស្រាប់តែឃើញមាន​អណ្តាតភ្លើង​កំពុង​តែ​ឆាបឆេះក្នុងបន្ទប់កើតហេតុ​ ដែលជាបន្ទប់​របស់ប្រពន្ធគាត់ដេក។ រួចក៏មានប្រជាពលរដ្ឋ​បាននាំគ្នាយក​ដុំថ្ម​ទៅកុប​បំបែក​កញ្ចក់​បង្អួច​បន្ទប់​នោះដើម្បីបាញ់ទឹក​ពន្លត់។​ ចំណែក​ឯគាត់ក៏ស្ទុះឡើងទៅមើល​ ប៉ុន្តែ​ទ្វារ​បន្ទប់​នោះត្រូវបានជាប់​កន្លឹះ​បណ្តាលឲ្យមិនអាចបើកមើលប្រពន្ធគាត់​បាន​។ មួយសន្ទុះ​ក្រោយ​មកភ្លើងក៏រលត់ គាត់ក៏ប្រញាប់​ប្រញាល់​នាំ​គ្នា​ទម្លាយ​ទ្វារ​បន្ទប់​ដើម្បីជួយសង្គ្រោះ​ជនរងគ្រោះ​ តែជាអកុសល​ជនរងគ្រោះជា​ប្រពន្ធ​ត្រូវ​ភ្លើង​ឆាបឆេះ​ខ្លោច​ស្លាប់​នៅ​លើពូក​បាត់ទៅ​ហើយ។

ក្រោយមក មានកម្លាំង​សមត្ថកិច្ច​មូល​ដ្ឋាន​និង​សមត្ថកិច្ច​ជំនាញ​បាន​ចុះមក​ធ្វើការ​ត្រួត​ពិនិត្យ​នៅនិងកន្លែងកើតហេតុ បានឲ្យដឹងថា​ករណី​អគ្គិភ័យ​ខាងលើនេះគឺ​មាន​បណ្តាលឲ្យឆេះ​រាលដាល​ដល់​ផ្ទះ​អ្នកជិតនោះទេ​ គឺ​ខូចខាត​តែសម្ភារ:​នៅ​ក្នុង​បន្ទប់​ឡៅតឿ​អស់ចំនួន ហើយសមត្ថកិច្ច​បាន​សណ្ឋានថា​ គឺ​បណ្ដាល​មកពី​ឆ្លង​ចរន្ត​អគ្គិសនី​ម៉ាស៊ីនត្រជាក់​។

ក្រោយ​ពីត្រួត​ពិនិត្យ​រួចរាល់ហើយ​ សមត្ថកិច្ច​ក៏បាន​ធ្វើលិខិត​ស្នាម​ និងបានប្រគល់​ពសជនរងគ្រោះ​ទៅ​ឲ្យ​ក្រុម​គ្រួសារ​ យកទៅ​រៀបចំ​ធ្វើបុណ្យទៅតាម​ប្រពៃណី​៕​

Loading...

Leave a Reply

This site uses Akismet to reduce spam. Learn how your comment data is processed.