Post News Media ព័ត៌មានអន្តរជាតិ ទីបំផុតលោក ត្...

ទីបំផុតលោក ត្រាំ ប្រកាសចាប់ផ្តើមដកទ័ពអាមេរិកចេញពីស៊ីរី ក្រោយអូសបន្លាយពេលជាយូរ

អាមេរិក: ប្រធានាធិបតីអាមេរិកលោក ដូណាល់ ត្រាំ បាននិយាយថា ក្រុងវ៉ាស៊ីនតោន កំពុងចាប់ផ្តើមដកទ័ពអាមេរិកចេញពីស៊ីរីហើយ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១៤ ខែមករា ឆ្នាំ២០១៩។

លោក ត្រាំ បានប្រកាសនៅលើទំព័រ Twitter របស់លោកថា ទាហានអាមេរិកនៅក្នុងប្រទេសស៊ីរី កំពុងចាប់ផ្តើមការចាកចេញរបស់ពួកគេ ខណ:កំពុងមានប្រតិបត្តិការវាយប្រហារក្រុមភេរវករ ISIS ដែលនៅសេសសល់ពីគោលដៅជាច្រើន។ ដោយលោកបន្ថែមថា អាមេរិក នឹងវាយប្រហារជាថ្មីម្តងទៀត ពីមូលដ្ឋានដែលនៅជិតខាង ប្រសិនបើមានកើនទ្បើងពួកភេរវករ Daesh នោះ។

នៅក្នុង Twitter លោក ត្រាំ បានអះអាងថា ប្រទេសរុស្ស៊ី អ៊ីរ៉ង់ និងស៊ីរី បានទទួលផលប្រយោជន៍ដ៏ធំបំផុត នៃគោលនយោបាយរយ:ពេលវែងរបស់អាមេរិក សម្រាប់ការកម្ទេច ISIS នៅស៊ីរី។

ក្នុងនោះប្រធានាធិបតីអាមេរិក ក៏បានព្រមានផងដែរថា វានឹងបំផ្លាញសេដ្ឋកិច្ចរបស់ប្រទេសតួកគី បើសិនជាពួកគេ វាយប្រហារសកម្មប្រយុទ្ធឃឺត ដែលគាំទ្រដោយអាមេរិក៕

Loading...