ជប៉ុន: ទីភ្នាក់ងារឧតុនិយម នៅថ្ងៃព្រហស្បតិ៍នេះ បាននិយាយថា ភ្នំភ្លើងមួយបានផ្ទុះឡើង នៅលើកោះដាច់ស្រយាលមួយ ស្ថិតនៅភាគខាងត្បូងប្រទេសជប៉ុន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទ១៧ ខែមករា ឆ្នាំ២០១៩។

យ៉ាងណាមិនករណីនេះ អាជ្ញាធរពុំមានការបញ្ជាឲ្យប្រជាជនក្នុងតំបន់ ធ្វើការជម្លៀសខ្លួននោះទេ ដោយសារការផ្ទុះនេះ ស្ថិតនៅក្រោមកម្រិតនៃការព្រមាន។

ទូរទស្សន៍ NHK បាននិយាយថា មិនមានសេចក្តីរាយការណ៍ អំពីការរងរបួស ឬខូចខាត ជុំវិញការផ្ទុះភ្នំភ្លើង នៅលើកោះ Kuchinoerabu នៅឡើយទេ ។

ដោយលោក Jun Fujimatsu មន្ត្រីម្នាក់នៅអង្គភាពតាមដានសកម្មភាពភ្នំភ្លើង របស់ទីភ្នាក់ងារឧតុនិយម បាននិយាយថា «មានការផ្ទុះជាច្រើន នៅទីនោះ កាលពីចុងឆ្នាំមុន ប៉ុន្តែសម្រាប់ការផ្ទុះចុងក្រោយនេះ ភ្នាក់ងារយើង បានផ្ញើការជូនដំណឹងមួយ នៅព្រឹកនេះ ដែលវា អាចនឹងបង្កផលប៉ះពាល់យ៉ាងច្រើន» ។

ក្នុងលោកបានប្រាប់ព័ត៌មាន AFP ថា «ភ្នាក់ងារឧតុនិយម បានរក្សាការព្រមាន ស្ថិតក្នុងកម្រិតទី ៣ ដែលមានន័យថា ហាមប្រាមមនុស្សចូលទៅកាន់តំបន់ភ្នំភ្លើង»៕