អាមេរិក: ក្រុងវ៉ាស៊ីនតោន បានអំពាវនាវដល់ប្រទេសដាណឺម៉ាក ឱ្យដាក់វិធានការបង្កើនថវិកាយោធាខ្លួន ដល់កម្រិត ២ភាគរយ ដែលបានកំណត់ដោយអង្គការណាតូ បន្ទាប់ពីប្រទេសនេះ បានច្រានចោលការដំឡើងប្រាក់ឈ្នួលថ្មី ដោយអះអាងថា ធ្វើឱ្យការចំណាយរបស់ប្រទេស នៅក្នុងក្រុមតែមួយ ដូចជាប្រទេសអាល្លឺម៉ង់ មិនគ្រប់គ្រាន់។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១ ខែកុម្ភ: ឆ្នាំ២០១៩។

ឯកអគ្គរដ្ឋទូតអាមេរិក Carla Sands បាននិយាយថា ការដំឡើងទំហំទឹកប្រាក់ចំនួន ៦៩០ លានដុល្លារ របស់ដាណឺម៉ាក ត្រូវបានអនុវត្តជាពិសេស ដើម្បីផ្គាប់ចិត្តសម្ព័ន្ធមិត្ត ដែលឆ្លងកាត់មហាសមុទ្រអាត្លង់ទិករបស់ខ្លួន តែនៅមិនទាន់គ្រប់គ្រាន់នោះទេ។

ដោយការដំឡើងនេះ នឹងធ្វើឱ្យថវិកាយោធាដាណឺម៉ាកកើនឡើងដល់ ១,៥ ភាគរយនៃ GDP របស់ប្រទេសនេះ ខណ:ដែលនៅឆ្នាំនេះ មាន១,៣ ភាគរយ។

លោក Sands បាននិយាយថា នេះមិនទាន់គ្រប់គ្រាន់ទេ ដោយលើកឡើងពីការប្តេជ្ញាចិត្តរបស់ដាណឺម៉ាក ក្នុងឆ្នាំ ២០១៤ ដើម្បីធ្វើការឆ្ពោះទៅរកកម្រិតស្មើនឹង ២ ភាគរយនៃ GDP ។

ពាក់ព័ន្ធនឹងបញ្ហានេះ ឯកអគ្គរដ្ឋទូត បានឲ្យដឹងថា «ការពិភាក្សាមួយ ត្រូវបានទាមទារ ក្នុងចំណោមអ្នកនយោបាយដាណឺម៉ាក អំពីរបៀបដែលពួកគេ អាចឈានដល់គោលដៅ ដែលពួកគេបានកំណត់ ជាមួយណាតូ»៕