អាមេរិក: ក្រុមហ៊ុនព័ត៌មានជាង ៣០០ នៅថ្ងៃព្រហស្បតិ៍នេះ បានចាប់ផ្តើមយុទ្ធនាការមួយ ដើម្បីប្រឆាំងនឹងការវាយប្រហារលើបណ្ដាសារព័ត៌មាន របស់ប្រធានាធិបតីអាមេរិក លោក ដូណាល់ ត្រាំ ព្រមទាំងមានគោលបំណងលើកកម្ពស់សេរីភាពសារព័ត៌មានផងដែរ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១៦ ខែសីហា ឆ្នាំ២០១៨។
ក្រុមហ៊ុមកាសែត Boston Globe បានធ្វើការអំពាវនាវកាលពីសប្ដាហ៍មុន សម្រាប់ការប្រកាសអំពី សង្រ្គាមកខ្វក់ របស់លោកប្រធានាធិបតី ត្រាំ ប្រឆាំងនឹងប្រព័ន្ធផ្សព្វផ្សាយក្នុងស្រុក។
ដោយលោក ត្រាំ បានមើលងាយរបាយការណ៍ប្រព័ន្ធផ្សព្វផ្សាយថា ជាព័ត៌មានមិនពិត និងបានវាយប្រហារអ្នកកាសែតថា ជាសត្រូវរបស់ប្រជាជន ។
ពាក់ព័ន្ធនឹងបញ្ហានេះ ក្រុមអ្នកជំនាញ UN បាននិយាយថា នេះជាការបង្កើនហានិភ័យនៃអំពើហិង្សាលើអ្នកកាសែត៕
មតិយោបល់