អ៊ីរ៉ង់: សមាជិកកងឆ្មាំបដិវត្តវជនអ៊ីរ៉ង់ ២៧ នាក់ត្រូវបានសម្លាប់ ក្នុងការវាយប្រហារអត្តឃាតមួយ ស្ថិតនៅភាគអាគ្នេយ៍នៃប្រទេស កាលពីថ្ងៃពុធ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៤ ខែកុម្ភ: ឆ្នាំ២០១៩។

ភ្នាក់ងារព័ត៌មាន Fars របស់អ៊ីរ៉ង់ បានរាយការណ៍ថា យ៉ាងហោចណាស់សមាជិកឆ្មាំចំនួន ១០ នាក់ ត្រូវបានរងរបួសផងដែរ បន្ទាប់ពីការបំផ្ទុះគ្រាប់បែកអត្តឃាត ដែលសំដៅទៅលើរថយន្ដក្រុង ដឹកកម្លាំងសន្តិសុខ។

ពាក់ព័ន្ធនឹងបញ្ហានេះ អនុប្រធានប្រធានាធិបតីអ៊ីរ៉ង់ លោក Eshaq Jahangiri បាននិយាយថា ឧប្បត្តិហេតុនេះ មិនធ្វើឲ្យខូចខាតដល់ឆន្ទ:របស់ប្រជាជន ក្នុងការការពារកងបដិវត្តអ៊ីស្លាមនោះទេ ហើយការដោះស្រាយបញ្ហារបស់ជាតិ ចំពោះការប្រយុទ្ធប្រឆាំងឥតឈប់ឈរទៅលើភេរវកម្ម នឹងមានភាពរឹងមាំជាងមុន ។

ទីភ្នាក់ងារសារព័ត៌មាន IRNA បានរាយការណ៍ថា ការវាយប្រហារទៅលើកងកម្លាំងសន្តិសុខនេះ បានកើតឡើងនៅខេត្ត Sistan-Baluchestan របស់ប្រទេសអ៊ីរ៉ង់៕