ឥណ្ឌា: ក្រុមអ្នកវិភាគ និងអ្នកគ្រាំទ្រការដឹកនាំនយោបាយនៅឥណ្ឌា បានព្រមានអំពីភាពតានតឹង បន្ទាប់ពីមានការសម្រេចចិត្ត ដកកងកម្លាំងសន្តិសុខ នៅតំបន់កាស្មៀរ ដែលមានមេដឹកនាំផ្តាច់ខ្លួនគ្រប់គ្រង។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៨ ខែកុម្ភ: ឆ្នាំ២០១៩។

ការផ្លាស់ប្តូរដោយក្រសួងមហាផ្ទៃឥណ្ឌា បានកើតឡើងជាច្រើនថ្ងៃ បន្ទាប់ពីមានការវាយប្រហារអត្តឃាតមួយ ទៅលើយោធាឥណ្ឌា ដែលបានសម្លាប់ទាហានឥណ្ឌា ៤២ នាក់ នៅក្នុងតំបន់ដែលកំពុងមានភាពជ្រួលច្របល់នោះ ដោយវាបានបង្កើនឲ្យមានការភ័យខ្លាច ចំពោះការប្រឈមមុខដាក់គ្នា ជាមួយប៉ាគីស្ថាន។

កាលពីថ្ងៃអាទិត្យបទបញ្ជាផ្លូវការមួយនេះ ត្រូវបានដាក់ចេញ ដើម្បីលុបចោលការការពាររបស់រដ្ឋាភិបាលឥណ្ឌា ដែលត្រូវបានផ្តល់ឱ្យក្រុមមេដឹកនាំផ្តាច់ខ្លួនបួនរូប នៅក្នុងតំបន់នោះ ដោយសារតែការវាយប្រហារនាពេលថ្មីៗនេះ៕