ព័ត៌មានអន្តរជាតិ

រុស្ស៊ី ទំនងជាដាក់ពង្រាយមីស៊ីល មានសមត្ថភាពវាយប្រហារដល់ទ្វីបអឺរ៉ុប

រុស្ស៊ី: ឯកអគ្គរដ្ឋទូតរុស្ស៊ីលោក Anatoly Antonov បានថ្លែងក្នុងសិក្ខាសាលាមួយ នៅឯមជ្ឈមណ្ឌល Stimson ក្នុងទីក្រុងវ៉ាស៊ីនតោនថា រុស្ស៊ី អាចនឹងត្រូវបង្ខំចិត្តដាក់ពង្រាយមីស៊ីល ដែលមានសមត្ថភាពវាយប្រហារចូលដល់ទ្វីបអ៊ឺរ៉ុប ប្រសិនបើអាមេរិក ដាក់ពង្រាយអាវុធនៅក្នុងតំបន់នោះ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៥ ខែមីនា ឆ្នាំ២០១៩។

ដោយលោក Antonov បាននិយាយកាលពីថ្ងៃច័ន្ទថា «យើងមានការព្រួយបារម្ភខ្លាំងណាស់ ក្រោយពីការសម្រេចចិត្តរបស់អាមេរិក ក្នុងការដកខ្លួនចេញពីសន្ធិសញ្ញានុយក្លេអ៊ែរ INF ខណ:ដែលមីស៊ីលពួកគេ អាចត្រូវបានដាក់ពង្រាយនៅលើទឹកដីសម្ព័ន្ធមិត្តអឺរ៉ុប។

ពាក់ព័ន្ធនឹងករណីនេះ លោកក៏បានបញ្ជាក់ផងដែរថា រុស្ស៊ី នឹងត្រូវបង្ខំចិត្ត ដើម្បីធ្វើការដាក់ពង្រាយមីស៊ីលរបស់ខ្លួន ខណ:ដែលបច្ចុប្បន្នអាវុធទាំងនោះ ត្រូវបានគេមើលឃើញថា មានគ្របដណ្ដប់នៅទ្វីបអឺរ៉ុប»៕

មតិយោបល់