អ៊ីរ៉ង់: រដ្ឋាភិបាលក្រុងតេអេរ៉ង់ បានច្រានចោលការអះអាងរបស់អាមេរិកថា របបខ្លួននៅពីក្រោយការវាយប្រហារ លើនាវាដឹកប្រេងពីរគ្រឿង នៅក្នុងឈូងសមុទ្រអូម៉ង់។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១៤ ខែមិថុនា ឆ្នាំ២០១៩។

ការលើកទ្បើងនេះ បន្ទាប់ពីកាលពីថ្ងៃព្រហស្បតិ៍ រដ្ឋមន្ត្រីការបរទេសអាមេរិកលោក Mike Pompeo បានស្តីបន្ទោសអ៊ីរ៉ង់គ្មានមូលដ្ឋាន ទាក់ទងនឹងការវាយប្រហារខាងលើ។

ដោយលោក Pompeo បាននិយាយថា អាមេរិក បានធ្វើការវាយតម្លៃរបស់ខ្លួនបែបនេះ ដោយផ្អែកលើការស៊ើបការណ៍សម្ងាត់ អំពីប្រភេទអាវុធដែលត្រូវបានប្រើប្រាស់ នៅក្នុងការវាយប្រហារនោះ។

យ៉ាងណាមិញពាក់ព័ន្ធនឹងករណីនេះ អ៊ីរ៉ង់ក៏បានច្រានចោលការអះអាងនេះផងដែរ ដោយលើកទ្បើងថា ការចោទប្រកាន់របស់ក្រុងវ៉ាស៊ីន គឺគ្មានមូលដ្ឋានច្បាស់លាស់ទាល់តែសោះ៕