អាមេរិក: សេចក្តីថ្លែងការណ៍មួយ របស់ប្រធានាធិបតីអាមេរិក បានធ្វើឡើងនៅអំទ្បុងពេលដែលនាយករដ្ឋមន្រ្តីឥណ្ឌា លោក ណារិនដ្រា ម៉ូឌី បានមកដល់ទឹកដីអាមេរិក សម្រាប់ដំណើរទស្សនកិច្ចរយ:ពេលវែង រហូតដល់មួយសប្តាហ៍។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី២៣ ខែកញ្ញា ឆ្នាំ២០១៩។
ប្រធានាធិបតីលោក ដូណាល់ ត្រាំ បានប្រកាសកាលពីថ្ងៃអាទិត្យថា អាមេរិក ជាមួយឥណ្ឌា នឹងធ្វើសមយុទ្ធយោធារួមគ្នា ដែលមានឈ្មោះថា Tiger Triumph នៅខែវិច្ឆិកាខាងមុខ ដែលវាជាសមយុទ្ធលើកដំបូង សម្រាប់ប្រទេសទាំងពីរ។
ក្នុងនោះលោក ត្រាំ បាននិយាយថា កិច្ចព្រមព្រៀងផ្នែកការពារជាតិជាច្រើន នឹងត្រូវបានចុះហត្ថលេខា រវាងប្រទេសទាំងពីរ ដើម្បីពង្រឹងទំនាក់ទំនងសន្តិសុខ ផងដែរ៕
មតិយោបល់