ផ្ទះ ព័ត៌មានអន្តរជាតិ កូរ៉េខាងជើង ប...

កូរ៉េខាងជើង បន្ទោសអាមេរិកធ្វើឲ្យបរាជ័យ ចំពោះការចាប់ផ្តើមកិច្ចចរចាឡើងវិញ

0

UN: រដ្ឋាភិបាលក្រុងព្យុងយ៉ាង កាលពីថ្ងៃច័ន្ទបានស្តីបន្ទោស ចំពោះអាមេរិក ដែលធ្វើឲ្យខកខាន ក្នុងការចាប់ផ្តើមកិច្ចចរចាទ្បើងវិញ ក្រោយជាប់គាំង អស់រយ:ពេលជាងមួយឆ្នាំ បន្ទាប់ពីជំនួបលើកដំបូង រវាងប្រធានាធិបតីលោក ដូណាល់ ត្រាំ ជាមួយមេដឹកនាំកូរ៉េខាងជើង លោក គីម ជុងអ៊ុន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១ ខែតុលា ឆ្នាំ២០១៩។

កូរ៉េខាងជើង បាននិយាយថា នៅក្នុងខែនេះ ខ្លួនមានឆន្ទ: ក្នុងការចាប់ផ្តើមកិច្ចចរចា ឡើងវិញ នៅចុងខែកញ្ញាកន្លងទៅ ប៉ុន្តែទីក្រុងវ៉ាស៊ីនតោន ចាំបាច់ត្រូវប្រកាន់ យកនូវវិធីសាស្រ្តថ្មីមួយ។

ពាក់ព័ន្ធនឹងការលើកទ្បើងនេះ រដ្ឋមន្រ្តីក្រសួងការបរទេសអាមេរិកលោក Mike Pompeo បាននិយាយកាលពីសប្តាហ៍មុនថា កិច្ចប្រជុំនៅខែកញ្ញានោះ មិនអាចទៅរួចទេ បើទោះបីជាក្រុងវ៉ាស៊ីនតោន បានត្រៀមខ្លួនរួចជាស្រេច ដើម្បីជួប និងជឿជាក់ថា វាពិតជាមានសារ:សំខាន់ក៏ដោយ។

យ៉ាងណាមិញនៅក្នុងសុន្ទរកថាមួយ នៅឯមហាសន្និបាតអង្គការសហប្រជាជាតិ ឯកអគ្គរដ្ឋទូតប្រចាំ UN របស់ទីក្រុងព្យុងយ៉ាងលោក Kim Song បាននិយាយថា វាដល់ពេលហើយ ដែលក្រុងវ៉ាស៊ីនតោន ត្រូវការចែករំលែកសំណើនានា សម្រាប់កិច្ចពិភាក្សា។

ន័យនេះអាចសន្មតបានថា អាមេរិកមានពេលវេលាគ្រប់គ្រាន់ ដើម្បីរកវិធីសាស្ត្រ លៃលកក្នុងការចែករំលែកអ្វី ជាមួយក្រុងព្យុងយ៉ាង បន្ទាប់ពីបានសម្ដែងឆន្ទ: ក្នុងការអង្គុយជាមួយអាមេរិក សម្រាប់ការពិភាក្សា ដ៏ទូលំទូលាយអំពីបញ្ហា ដែលប្រទេសទាំងពីរ បានពិភាក្សាកន្លងមក៕

Loading...

Leave a Reply

This site uses Akismet to reduce spam. Learn how your comment data is processed.