អាមេរិកៈ បេក្ខជនប្រធានាធិបតីនៃគណបក្សសាធារណរដ្ឋរបស់សហរដ្ឋអាមេរិកលោក Donald Trump កាលពីថ្ងៃអាទិត្យ បានគំរាមដកសហរដ្ឋអាមេរិចេញពីអង្គការពាណិជ្ជកម្មពិភពលោក (WTO) ប្រសិនបើសំណើរបស់គាត់ស្តីអំពីការដាក់ទណ្ឌកម្មចំពោះក្រុមហ៊ុនអាមេរិកប្តូរទីតាំងទៅក្រៅប្រទេសត្រូវបានបិទ។នេះបើយោងតាមសារព័ត៌មានស៊ីនហួបានចុះផ្សាយនៅថ្ងៃទី២៥ ខែកក្កដានេះ។
Trump បានឱ្យដឹង នៅក្នុងបទសម្ភាសមួយជាមួយទូរទស្សន៍ NBC ក្នុងកម្មវីធី “ជួបជាមួុយអ្នកសារព័ត៌មាន” ថាប្រសិនបើលោកជាប់ឆ្នោតជាប្រធានាធិបតីនោះ នឹងដាក់ទណ្ឌកម្មឱ្យបង់ពន្ធលើក្រុមហ៊ុនរបស់សហរដ្ឋអាមេរិកដែលផ្លាស់ទីផលិតកម្មទៅបរទេសបន្ទាប់មកលក់ផលិតផលត្រឡប់មកឲ្យសហរដ្ឋអាមេរិកវិញ។
Trump បានលើកឡើងដូច្នេះថា: «ប្រសិនបើពួកគេកំពុងនឹងបណ្តេញបុគ្គលិកទាំងអស់របស់ខ្លួន ផ្លាស់ប្តូរទីតាំងរោងចក្ររបស់ពួកគេទៅម៉ិកស៊ិក, ដើម្បីផលិតម៉ាស៊ីនត្រជាក់ និងគិតថាពួកគេនឹងលក់ម៉ាស៊ីនត្រជាក់ទាំងនោះមកឲ្យសហរដ្ឋអាមេរិចវិញ, វានឹងក្លាយជាពន្ធមួយ»។
Trump បាននិយាយថាអត្រាពន្ធអាចពី ១៥ ភាគរយទៅ ២៥ ភាគរយឬ ៣៥ ភាគរយ ហើយអាចនឹងមានភាពខុសគ្នាសម្រាប់ក្រុមហ៊ុនផ្សេងគ្នា៕
មតិយោបល់