ចិនៈ លោក Zhang Youxia អនុប្រធានគណៈកម្មាធិការយោធា កណ្តាលចិន បានជួបគ្នាជាមួយរដ្ឋមន្ត្រីការពារជាតិរុស្ស៊ីលោក Sergei Shoigu និងរដ្ឋមន្ត្រីការពារជាតិស៊ែប៊ី លោក Aleksandar Vulin ដែលបានអញ្ជើញ ចូលរួមក្នុងវេទិកាវេទិកា Xiangshan នៅទីក្រុងប៉េកាំងលើកទី៩។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី២៣ ខែតុលា ឆ្នាំ២០១៩។

ក្នុងពេលជួបជាមួយលោក Shoigu កាលពីថ្ងៃច័ន្ទ លោក Zhang បានអំពាវនាវ ឱ្យមានភាពស៊ីជម្រៅនូវទំនាក់ទំនងយោធាចិន-រុស្ស៊ី សម្រាប់យុគសម័យថ្មីមួយ ដើម្បីចូលរួមចំណែក ក្នុងការការពារសន្តិសុខជាតិ អធិបតេយ្យភាព ដើម្បីផលប្រយោជន៍អភិវឌ្ឍន៍រវាងគ្នាទៅវិញទៅមក និងស្ថិរភាពក្នុងតំបន់ ក៏ដូចជាពិភពលោកទាំងមូល។

ខណៈលោក Shoigu ក៏បានបញ្ជាក់ពីឆន្ទៈរបស់រុស្ស៊ី ក្នុងការធ្វើឲ្យស៊ីជម្រៅ ជាមួយភាគីចិន សម្រាប់ការបង្កើតការរុករក និងមធ្យោបាយថ្មីៗ រួមទាំងកិច្ចសហប្រតិបត្តិការ រវាងយោធាទាំងពីរថែមទៀតផងដែរ។

ដោយទ្បែកជួបជាមួយលោក Vulin កាលពីថ្ងៃអង្គារលោក Zhang ក៏បានអំពាវនាវ ដល់កងទ័ពចិន និងស៊ែប៊ី ឲ្យបង្កើនការផ្លាស់ប្តូរ និងកិច្ចសហប្រតិបត្តិការ ដើម្បីលើកកម្ពស់ ភាពជាដៃគូយុទ្ធសាស្ត្រគ្រប់ជ្រុងជ្រោយ រវាងប្រទេសទាំងពីរផងដែរ៕