ប៊ីប៊ីស៊ីៈ មន្រ្តីអ៉ីរ៉ង់បាននិយាយថា មនុស្សយ៉ាងហោចណាស់ ៣១នាក់បានស្លាប់ និងរាប់សិបនាក់ទៀតរបួស នៅក្នុងហេតុការណ៍រថភ្លើងបុកគ្នានៅភាគខាងជើងប្រទេស អ៉ីរ៉ង់។

យោងតាមសារព័ត៌មាន BBC ចេញផ្សាយនៅយប់ថ្ងៃទី២៥ ខែវិច្ឆិកា ឆ្នាំ២០១៦ បានឲ្យដឹងថា ហេតុការណ៍រថភ្លើងបុកគ្នានេះ បានកើតឡើងកាលពីព្រឹកថ្ងៃសុក្រ នៅចម្ងាយប្រហែល ២៥០គីឡូម៉ែត្រពីភាគខាងកើតរដ្ឋធានី តេហេរ៉ង់ ដោយបានបណ្តាលឲ្យទូរថភ្លើងចំនួន ៤ធ្លាក់ចេញពីផ្លូវ និង០២ទៀតត្រូវភ្លើងឆេះ។

បើតាមសារព័ត៌មានបានផ្សាយថា ក្នុងចំណោមអ្នកស្លាប់ទាំង ៣១នាក់នោះ គឺមាន ០៤នាក់ ជាកម្មករបុគ្គលិកផ្លូវដែក។ បើតាមអភិបាលរដ្ឋគឺលោក Mohammad Reza Khabbaz បានប្រាប់សារព័ត៌មានក្នុងស្រុកថា សាកសពចំនួន ៣១នាក់ ត្រូវបានគេបញ្ជាក់អត្តសញ្ញាណ និងអ្នករបួសច្រើនជាង ៧១នាក់ទៀត ត្រូវបានគេបញ្ជូនទៅកាន់មន្ទីរពេទ្យ៕