ចិន: តួលេខផ្លូវការ ដែលត្រូវបានចេញផ្សាយនៅថ្ងៃសុក្រនេះ បានឲ្យដឹងថា ចំនួនអ្នកស្លាប់នៅទូទាំងប្រទេសចិន ដោយសារការផ្ទុះឡើងនៃវីរុសឆ្លងកូរ៉ូណា បានកើនឡើងដល់ ២១៣ នាក់ហើយ ខណ:អ្នកឆ្លងជិត ១០,០០០ នាក់។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៣១​ ខែមករា ឆ្នាំ២០២០។

នៅក្នុងរបាយការណ៍ប្រចាំថ្ងៃរបស់ខ្លួន គណ:កម្មាធិសុខភាពជាតិរបស់ចិន បាននិយាយថា មានអ្នកស្លាប់ថ្មីចំនួន ៤៣ នាក់ ដោយសារវីរុសនេះ។

ប្រភពដដែល បានបន្តថា ចំពោះករណីអ្នកឆ្លងថ្មីវិញ មានចំនួនជិត ២,០០០ នាក់ ដែលមកទល់ពេលនេះ សរុបអ្នកឆ្លងនៅក្នុងប្រទេស កើនទ្បើងរហូតដល់ជាង ៩,៦០០ នាក់៕