ចិន: គណ:កម្មការសុខភាពជាតិរបស់ប្រទេសចិន បានប្រកាសនៅព្រឹកថ្ងៃច័ន្ទនេះថា ចំនួនអ្នកស្លាប់ដោយសារការឆ្លងវីរុស កូរ៉ូណា បានកើនឡើងដល់ ១,៧៧០ នាក់ហើយ គិតមកត្រឹមចុងថ្ងៃអាទិត្យសប្ដាហ៍មុន។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៧ ខែកុម្ភ: ឆ្នាំ២០២០។
តួលេខអ្នកស្លាប់ថ្មីយ៉ាងហោចណាស់ចំនួន ១០០ នាក់ ត្រូវបានបញ្ជាក់មកពីខេត្តហ៊ូប៉ី ដែលជាចំណុចកណ្តាល នៃការរាតត្បាតជំងឺឆ្លងមួយនេះ។
ដោយទ្បែកករណីអ្នកឆ្លងថ្មី នៅទូទាំងប្រទេសពេលនេះ មានចំនួន ២,០៤៨ នាក់បន្ថែមទៀត ក្នុងនោះមានចំនួន ១,៩៣៣ នាក់ មកពីខេត្តហ៊ូប៉ី ដែលជំរុញឱ្យចំនួនអ្នកឆ្លងសរុប កើនឡើងដល់ ៧០,៥៤៨ នាក់ហើយ៕
មតិយោបល់