ផ្ទះ ព័ត៌មានអន្តរជាតិ អាមេរិក ប្រាប...

អាមេរិក ប្រាប់អ៊ីស្រាអែល ត្រូវពិចារណាលើកត្តាទាំងអស់ ជុំវិញការដាក់បញ្ចូលតំបន់កាន់កាប់ West Bank

0

អាមេរិក: រដ្ឋមន្រ្តីក្រសួងការបរទេសអាមេរិក លោក Mike Pompeo បានជំរុញមេដឹកនាំអ៊ីស្រាអែល ពិចារណាលើកត្តាទាំងអស់ ដែលពាក់ព័ន្ធនឹងការស្នើសុំដាក់បញ្ជូល តំបន់កាន់កាប់ West Bank។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៤ ខែឧសភា ឆ្នាំ២០២០។

លោក Pompeo បានធ្វើទស្សនកិច្ចនៅប្រទេសអ៊ីស្រាអែល កាលពីថ្ងៃពុធ រយ:ពេលមួយថ្ងៃ ដោយបានធ្វើកិច្ចប្រជុំ ជាមួយនាយករដ្ឋមន្រ្តីលោក Benjamin Netanyahu និងដៃគូចម្រុះលោក Benny Gantz។ ប៉ុន្តែលោកមិនបានជួបពិភាក្សា ជាមួយមេដឹកនាំប៉ាឡេស្ទីននោះទេ។

ដោយលោក Pompeo បានប្រាប់កាសែតអ៊ីស្រាអែលថា ពួកលោក បានពិភាក្សាគ្នាអំពីការបញ្ចូលតំបន់ឧបសម្ព័ន្ធ ប៉ុន្តែក៏មានបញ្ហាជាច្រើនទៀត ដែលទាក់ទងនឹងវាផងដែរ ដែលត្រូវធ្វើការដោះស្រាយ ជាមួយកត្តាទាំងនោះ និងវិធីសាស្ត្រធ្វើយ៉ាងណា ដើម្បីឱ្យប្រាកដថា វិធានការនេះ ត្រឹមត្រូវនាំមកនូវលទ្ធផល ស្របតាមចក្ខុវិស័យរបស់សន្តិភាព៕

មតិយោបល់