ភាពតានតឹងនៅតំបន់ព្រំដែនរវាងឥណ្ឌា និងចិន ជាការប៉ះទង្គិចគ្នាថ្មីមួយ កំពុងផ្ទុះទ្បើងនៅអាស៊ីខាងត្បូង

ឥណ្ឌា: យ៉ាងហោចណាស់ទាហានឥណ្ឌាចំនួន ២០ នាក់ត្រូវបានសម្លាប់ បន្ទាប់ពីការប្រឈមមុខដាក់គ្នា ជាមួយកងទ័ពចិន នៅភ្នំហិម៉ាឡៃយ៉ានៃតំបន់ Ladakh ដែលជាការប៉ះទង្គិចគ្នាដ៏សាហាវបំផុត ក្នុងរយ:ពេលជិត ៥០ ឆ្នាំកន្លងមកនេះ ដោយក្រុមអ្នកជំនាញ បានព្រមានថា វាជាចំណុចភូមិសាស្ត្រនយោបាយថ្មីមួយ នៅអាស៊ីខាងត្បូង។ នេះបើយោងតាមសារព័ត៌មាន Ajazeera ចេញផ្សាយនៅថ្ងៃទី១៨ ខែមិថុនា ឆ្នាំ២០២០។

រដ្ឋាភិបាលក្រុងញូវដែលី បានស្តីបន្ទោសក្រុងប៉េកាំង ចំពោះការប៉ះទង្គិចគ្នា កាលពីថ្ងៃច័ន្ទ នៅជ្រលងភ្នំហ្គាវ៉ាន ជិតខ្សែបន្ទាត់ព្រំដែន (LAC) បែងចែកទឹកដីគ្រប់គ្រង រវាងចិន និងឥណ្ឌា ដែលបានប្រឈមមុខដាក់គ្នា តាំងពីដើមខែមុនមកម៉្លេះ។

ភាពតានតឹងកាន់តែខ្លាំងឡើង រវាងប្រទេសប្រដាប់អាវុធនុយក្លេអ៊ែរទាំងពីរ បានធ្វើឱ្យមានការព្រួយបារម្ភ ពីអន្តរជាតិដោយអង្កការសហប្រជាជាតិ បានជំរុញឱ្យភាគីទាំងពីរ «រក្សាការអត់ធ្មត់ខ្ពស់បំផុត» ៕

មតិយោបល់