អេហ្ស៊ីប: របាយការណ៍ភ្នាក់ងារព័ត៌មាន MENA ផ្លូវការ បានឲ្យដឹងថា យ៉ាងហោចណាស់មនុស្ស ១៣នាក់បានស្លាប់ និងបួននាក់ផ្សេងទៀតរងរបួស ក្នុងគ្រោះថ្នាក់ចរាចរ នៅក្រុងគែ ភាគខាងត្បូង នៃរដ្ឋធានីរបស់ប្រទេសអេហ្ស៊ីប។ នេះបើយោងតាមរយ: សារព័ត៌មានចិនស៊ីនហួ ចេញផ្សាយនៅថ្ងៃទី៨ ខែសីហា ឆ្នាំ២០១៦។

គ្រោះថ្នាក់ចរាចរនេះបានកើតឡើង កាលពីយប់ថ្ងៃអាទិត្យ ដោយសាររថយន្តបែកកង ពេលកំពុងបើកបរក្នុងល្បឿនល្បឿនផងនោះ បានបណ្ដាលឲ្យរថយន្តតូចមួយ ក្រឡាប់នៅលើផ្លូវក្នុងខេត្ត Minya ប្រហែល ២៤៥ គីឡូម៉ែត្រ ពីភាគខាងត្បូងនៃទីក្រុងគែរ ។

ស្ថិតិពីក្រសួងដឹកជញ្ជូនអេហ្ស៊ីប បានបង្ហាញថា គ្រោះថ្នាក់ចរាចរ នៅក្នុងប្រទេសបង្ករឲ្យមនុស្សស្លាប់ប្រហែល ១០.០០០ នាក់ ជារៀងរាល់ឆ្នាំ ហើយជាង ៦០ភាគរយ នៃគ្រោះថ្នាក់ទាំងនេះ ត្រូវបានបង្កឡើងដោយការក្រទ្បាប់រថយន្ត៕