ឥណ្ឌូនេស៊ី: កាន់តែមានការព្រួយបារម្ភខ្លាំងទ្បើង ខណ:ក្រុមហ៊ុនអាកាសចរណ៍ចេញសេចក្ដីព្រមាន ពណ៌ក្រហម នៃកម្រិតគ្រោះថ្នាក់ខ្ពស់បំផុត បន្ទាប់ពីផេះភ្នំភ្លើង Agung បានហុយឡើងនៅជិតកោះបាលី។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៧ ខែវិច្ឆិកា ឆ្នាំ២០១៧។
ការព្រមានពណ៌ក្រហមនេះ គឺមានន័យថា ការផ្ទុះមួយនៃភ្នំភ្លើងនេះ អាចនឹងកើតឡើងនាពេលឆាប់ៗខាងមុខ ជាមួយនឹងការបញ្ចេញផេះដ៏ច្រើន។
ទន្ទឹមការចេញសេចក្ដីព្រមានឲ្យមានការប្រុងប្រយ័ត្ន សម្រាប់ប្រជាពលរដ្ឋ អាជ្ញាធរឥណ្ឌានេស៊ី ក៏បានពង្រីកតំបន់ត្រូវជម្លៀសមនុស្ស នៅជុំវិញភ្នំភ្លើងនោះផងដែរ។
ពាក់ព័ន្ធនឹងបញ្ហានេះ អាកាសយានដ្ឋានមួយចំនួននៅលើកោះ បានលុបចោលជើងហោះហើររបស់ពួកគេ ដោយបន្សល់ទុកឲ្យអ្នកដំណើរជាច្រើន ត្រូវបានជាប់គាំងនៅទីនោះ។
សូមជំរាបថា ផ្សែងផេះដ៏ងងឹត ដែលហុយចេញពីភ្នំភ្លើង ត្រូវបានគេមើលឃើញថា មានកម្ពស់រហូតដល់ ៣,៤០០ ម៉ែត្រឯណ្ណោះពីលើកំពូលភ្នំ៕
មតិយោបល់