ថៃ : នៅថ្ងៃទី ១៧ ខែតុលា ឆ្នាំ២០១៦ ទីភ្នាក់ងារ ក្រុមប្រជាសម្ព័ន្ធ របស់ក្រសួងព័ត៌មាន បានចេញសេចក្ដីប្រកាសថា សូមប្រជាពលរដ្ឋទាំងអស់មេត្តាប្រុងប្រយ័ត្នកុំជឿលើការបង្ហោះតាមបណ្ដាញសង្គមនានាឲ្យសោះ ក្នុងករណីដែលថា ” អញ្ជើញប្រជាពលរដ្ឋចូលរួមបំពេញបុណ្យកុសលជូនព្រះបរមសពព្រះមហាក្សត្រ នឹងទទួលបានក្នុងមួយយប់ ២ ម៉ឺនបាត ” សូមកុំចាញ់បោកពាក្យចចាមអារាមឲ្យសោះ។

ខាងក្រសួងបានចេញសេចក្ដីប្រកាសថា ” សូមអញ្ជើញប្រជាពលរដ្ឋទាំងអស់ចូលរួមសូត្រធម៌ បំពេញបុណ្យកុសលជូនព្រះបរមសពព្រះមហាក្សត្រ ចំនួន ៥០ ថ្ងៃបន្ថែមទៀតគិតចាប់ពីថ្ងៃនេះតទៅ ” តែប៉ុណ្ណោះមិនបានចេញសេចក្ដីប្រកាសបោកប្រាស់ប្រជាពលរដ្ឋដូចពោលខាងលើឡើយ ។

សូមបញ្ជាក់ផងដែរថា ប្រសិនបើមានករណីបោកបញ្ឆោតថា ” នឹងទទួលបានក្នុងមួយយប់ ២ ម៉ឺនបាត ” ត្រូវប្រញាប់ប្ដឹងសមត្ថកិច្ចជាបន្ទាន់។
នេះដោយយោងតាមសារព័ត៌មាន mthai ថ្ងៃទី១៨ ខែតុលា ឆ្នាំ២០១៦៕