អ្នកគាំទ្រតារាចម្រៀង Justin Bieber នៅទីក្រុង Barcelona ប្រទេស អេស្ប៉ាញ ត្រូវបានដាល់ចំកណ្ដាលមាត់ ខណ:ដែលអ្នកគាំទ្រ ព្យាយាមរត់តាមរថយន្ដ Justin Bieber និងប្រាថ្នាចាប់ដៃកំពូលតារាចម្រៀងរូបនេះ ក្នុងហេតុការណ៍កាលពីថ្ងៃ​ទី ២០ ខែ វិច្ឆិកា ថ្មីៗនេះ ។

បុរសអ្នកគាំទ្រមានឈ្មោះថា Kevin Ramirez ធ្លាប់ជាអ្នកគាំទ្រអស់ពីបេះដូង មានការខឹងយ៉ាងសម្បាចំពោះ Justin Bieber ដែលធ្វើទង្វើបបែបនេះដាក់រូបលោក ហើយបានពោលថា ” ខ្ញុំមិនដែលគិតឡើយថា មានពេលវេលានេះ ត្រូវ Justin Bieber ដាល់ចំកណ្ដាលមាត់ នៅថ្ងៃខ្ញុំបានឃើញគាត់ ខ្ញុំព្យាយាមរកឱកាសបានចាប់ដៃ ពេលបានឃើញតាមកញ្ចក់រថយន្ដ ខ្ញុំព្យាយាមរត់តាមគាត់ចាប់ដៃគាត់ តែបានប៉ះត្រូវស្បែកមុខគាត់បន្ដិច តែនេះជាប្រាថ្នារបស់ហ្វេនៗ អ្នកគាំទ្រទៅហើយ “ ជាអកុសលដែលមកត្រូវជួបរឿងបែបនេះ។

សូមបញ្ជាក់ផងដែរថា Kevin Ramirez បានដាក់ពាក្យប្ដឹង Justin Bieber សម្រេចដូចបំណងហើយ រង់ចាំតែមេធាវី Bieber រកដំណោះស្រាយតែប៉ុណ្ណោះ ៕

ទស្សនាវីដេអូឃ្លិបដូចខាងក្រោមនេះ៖