នៅសៀលថ្ងៃទី២៥ វិច្ឆិកា នេះ តារាចម្រៀងថៃផេនខេក បានចុះមកដល់ភោជនីដ្ឋានស្លឹកឈូកដែលកំពុងសាងសង់ថ្មីរបស់អ្នកនាងយុគ ចិន្ដា នៅជាប់នឹងហាងកាត់ដេរអម ដើម្បីទស្សនកិច្ចក្នុងហាងរបស់អ្នកនាង។
ក្នុងនោះតារាសម្ដែង និងជាតារាចម្រៀងថៃល្បីឈ្មោះរូបនេះ ក៍នឹងបញ្ចេញមុខម្ហូបថ្មីប្រចាំហាងស្លឹកឈូករបស់អ្នកនាង ជាមួយខ្ទះមួយប្រភេទមកពីប្រទេសថៃផងដែរ។
អ្នកនាងយុគ ចិន្ដា ម្ចាស់ហាងស្លឹកឈូក និងហាងកាត់ដេរអម បានថ្លែងប្រាប់ថា មុនដំណើរមកដល់របស់តារាចម្រៀងផេនខេក ជំនួយការរបស់នាងបានចុះមកស្រុកខ្មែរ ដើម្បីស្វែងរកភោជនីយដ្ឋានមួយ សម្រាប់ប្រូម៉ូតខ្ទះឆាមិនប្រើខ្លាញ់មួយប្រភេទរបស់ប្រទេសថៃ ហើយដោយបានដឹងថាអ្នកនាងដែលជាពិធីការិនីល្បីក៍មានភោជនីយដ្ឋានផ្ទាល់ខ្លួនដែរ ទើបតារាថៃផេនខេក ជ្រើសយកហាងរបស់អ្នកនាងតែម្ដង។
អ្នកនាងថា ផេនខេក នឹងចំណាយពេល២ម៉ោង ដើម្បីទស្សនកិច្ច និងធ្វើម្ហូបដោយថ្វីដៃរបស់ខ្លួននៅក្នុងហាងរបស់អ្នកនាង ដោយសារនាងក៍ជាប់ភារ:ត្រូវច្រៀងនៅប៉ុស្ដិ៍លេខយប់ថ្ងៃ២៥ វិច្ឆិកានេះដូចគ្នា។
យ៉ាងណាមិញ អ្នកនាងមិនទាន់ដឹងថា ក្រោយដំណើរមកដល់របស់តារាចម្រៀងថៃផេនខេក និងក្រុមការងារតើរវាងអ្នកនាង និង ក្រុមការងារថៃរបស់ផេនខេក នឹងមានទំនាក់ទំនងជាមួយគ្នាក្នុងទម្រង់ណាមួយក្នុងនាមមុខជំនួញ ឬ ការងារសិល្ប:នោះទេ។
អ្នកនាងយុគ ចិន្ដា និយាយថា អ្នកនាងស្វាគមន៍រាល់ការចាប់ដៃរបស់តារាចម្រៀងថៃផេនខេក ដោយអ្នកនាងបានចាត់ទុកការជ្រើសយកហាងរបស់អ្នកនាងដើម្បីបង្ហាញម្ហូបពិសេស និងខ្ទះពិសេសរបស់ផេនខេកនៅក្នុងថ្ងៃនេះគឺជាសញ្ញាណវិជ្ជមានមួយរបស់អ្នកនាង និងក្រុមការងារតារាថៃ។
អ្នកថាដើម្បីស្វាគមន៍ចំពោះផេនខេក អ្នកនាងក៍បានបើកផ្លូវអោយអ្នកគាំទ្រតារាស្រីរូបនេះមកកាន់ហាងរបស់អ្នកនាង នៅលើបណ្ដោយផ្លូវប៉ាស្ទើ ដើម្បីអបអរដល់នាងផងដែរ។ អ៊ីចឹងទើបទិដ្ឋភាពមកដល់របស់តារាថៃផេនខេក ធ្វើអោយមានការចាប់អារម្មណ៍នៅហាងរបស់អ្នកនាង៕
មតិយោបល់