ភ្នំពេញ៖ កាលពីពេលថ្មីៗនេះ បទចំរៀងនិពន្ធថ្មីបំផុត របស់លោក នីកូ ក្រោមចំណងជើងថា “អ្នកមិនចុះចាញ់” ដែលធ្វើឲ្យកក្រើក បណ្តាញសង្គម Facebook តាមរយៈការស្តាប់ likes និង shares តៗគ្នានោះ ឥលូវនេះ គឺបានចេញជាវីដេអូចំរៀង (MV) ហើយ។ បទ “អ្នកមិនចុះចាញ់” មិនត្រឹមតែមានបទភ្លេង ដ៏ពិរោះរណ្តុំចិត្តប៉ុណ្ណោះទេ ​ថែមទាំងពោលពេញទៅដោយអត្ថន័យ លើកទឹកចិត្ត ដល់អ្នកស្តាប់ទាំងអស់គ្នា ​កុំឲ្យចុះចាញ់ នូវឧបសគ្គទាំងឡាយ និងត្រូវតែមានក្តីសង្ឈឹមជានិច្ច ខំប្រឹងតស៊ូជំនះនូវឧបសគ្គ ដែលជួបប្រទះ រហូតទទួលបានភាពជោគជ័យ ក្នុងឆាកជីវិតរបស់យើង ដែលខុសប្លែក ពីបទចំរៀងដទៃទៀត ដែលភាគច្រើន និយាយតែពីរឿងស្នេហា ។ ប្រិយមិត្តដែលបានស្តាប់បទនេះហើយ ពិតជាទទួលបាន​ នូវការលើកទឹកចិត្តខ្លួនឯង មានក្តីសង្ឈឹមជានិច្ច នឹងមិនចុះចាញ់ ក្នុងឆាកជីវិតជាដាច់ខាត ​ពីព្រោះដរាបណា អ្នកមានក្តីសង្ឃឹមថ្ងៃណាមួយ អ្នកនឹងទទួលបានជោគជ័យ។ នេះគឺជាអត្ថបទដ៏វិសេសវិសាល ដែលលោក នីកូ និពន្ធឡើង ដើម្បីរួមចំណែកលើកទឹកចិត្ត ដល់មនុស្សគ្រប់វ័យ។ រឹតតែពិសេសជាងនេះទៅទៀត វីដេអូចំរៀងនេះ គឺមានការឧបត្ថម្ភផ្តាច់មុខដោយ ផលិតផលស៊ុបមាន់ប្រ៊េនស៍ (BRAND’S) ដែលតែងតែជំរុញ និងលើកទឹកចិត្ត ដល់អ្នកគ្រប់គ្នា ឲ្យចេះតស៊ូជម្នះឧបសគ្គ រហូតទទួលបានភាពជោគជ័យ ៕

ចង់ដឹងថា បទចម្រៀងថ្មីរបស់នីកូ មានអត្ថន័យល្អយ៉ាងណា សូមទស្សនា​ដូចខាងក្រោមនេះ៖

​