ព័ត៌មានសិល្បៈ និងកម្សាន្ត

សំឡេង​ប៉ែន រ៉ន​ កំពុងល្បីជាថ្មី​តាមរយៈកញ្ញា ​មេត្តា​

តាមរយ:ការនឹកឃើញ​បង្កើតនូ​វក្រុមតន្ត្រី​ថ្មីមួយឈ្មោះ​ ថា «ជួបគ្នាម្តងទៀត​» កំពុង​សាង​នូវភាពល្បីល្បាញ និងផ្ទុះយ៉ាងខ្លាំង​លើ​អនឡាញ ជាពិសេស បណ្តាញសង្គមហ្វេសប៊ុក ដោយ​ក្រុមនេះ បានលើកយកបទ​ចាស់ៗ របស់តារា​ចម្រៀង​ជំនាន់ដើម មកច្រៀង​ឡើងវិញ ហើយ​សំឡេង​ទៀតសោតក៏ដូច​ទៅនឹង​តារាចម្រៀង​ លោកស្រី ប៉ែន រ៉ន​ ។​

កញ្ញា មេត្តា ដែល​ជាក្រុមច្រៀង​ «ជួបគ្នាម្តងទៀត​» ហើយមានសំនៀងដូចទៅនឹ​ង​អ្នកស្រី​ ប៉ែន រ៉ន កំពុងធ្វើឲ្យមហាជន ចាប់អារម្មណ៍យ៉ាងខ្លាំង និង​នាំគ្នាចែករំលែកខ្ទង់ពាន់ K នៅលើបណ្តាញសង្គមហ្វេសប៊ុក។​

លោក ស៊ីន ច័ន្ទជេដ្ឋា ដែល​ជាអ្នករៀបចំកម្មវិធី និង​ក៏ជា​អ្នកចម្រៀង​ ច្រៀងបទចាស់សម័យដើម បានប្រាប់ឲ្យ Post News ដឹង​នៅរសៀលថ្ងៃទី​២២ ខែធ្នូ ឆ្នាំ​២០១៦ ឲ្យដឹងថា ការបង្កើតផេកក៏ដូចជា​វង់តន្ត្រី «ជួបគ្នាម្តងទៀត​» គឺក្នុងគោលបំណង​ គ្រាន់តែ​ជាការំលឹកឡើងវិញ និង អភិរក្ស​នូវបទពីដើម​ ។ លោកថា ក្នុងវង់តន្ត្រីនេះ គឺ​មានគ្នា ៤ទៅ ៥នាក់ លក្ខណ:គ្រួសារបងប្អូននោះទេ វាមិនមានលក្ខណ:ធំដុំអីនោះទេ​ ដោយបង្កើតវាឡើង​ជិត​១ឆ្នាំទៅហើយ​។​

លោក ថាសម្រាប់គោលបំណង​ទៅថ្ងៃមុខ លើវង់តន្ត្រីនេះ លោកមិនទាន់មានគម្រោង​អ្វីធំដុំ ជាងនេះនោះទេ តែ​ក៏អរគុណ ដល់ទស្សនិកជន​ទាំង​អស់ ដែលបានគាំទ្រទៅលើផេករបស់លោក ហើយលោកនឹងបន្តបង្កើតកម្មវិធី​នេះ​ទៀត ដើម្បីបម្រើ​អារម្មណ៍ទស្សនិកជន​៕​


លោក ស៊ីន ច័ន្ទជេដ្ឋា
ទស្សនា​វីដេអូច្រៀងពិត របស់កញ្ញា មេត្តា និង លោក ស៊ីន ច័ន្ទជេដ្ឋា៖

មតិយោបល់