អ្នកផលិតកម្មវិធី ពិភពរីករាយរបស់ ស្ថានីយ៍ទូរទស្សន៍បាយ័ន លោក លោក សួន សុវណ្ណារ៉ា ហៅ Nara King ម្សិលមិញបានធ្វើអត្តឃាតសម្លាប់ខ្លួន តែមិនបានសម្រេច ត្រូវបានគេបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់។
ម្សិលមិញនេះ លោក សួន សុវណ្ណារ៉ា ហៅ Nara King បានសរសេរនៅលើហ្វេសប៊ុកថា ជីវិតម្នាក់ៗត្រូវតែតស៊ូ ហើយក៏ត្រូវតែតស៊ូឲ្យដល់ទីបំផុត តែពេលនេះខ្ញុំហត់ហើយ ខ្ញុំសូមសម្រាក …..ហឹម សូមកុំធ្វើតម្រាប់តាមខ្ញុំវាមិនល្អនោះទេ។
គេមិនដឹងថា អ្នកផលិតកម្មវិធីរូបនេះ មានបញ្ហាអ្វី ឲ្យប្រាកដនោះទេ ដល់ថ្នាក់សម្លាប់ខ្លួនយ៉ាងដូច្នោះ ។
តាមរយ:រូបភាពនេះដែរ គេឃើញលោក បានប្រើប្រាស់ឡាម អារកដៃ ចេញឈាមឡើងក្រហមច្រាលពេញខុនដូ ដែលលោកបានជួល រស់នៅ ។
ប្រភពពីសិល្ប:ករម្នាក់បានឲ្យដឹងថា លោក សួន សុវណ្ណារ៉ា ហៅ Nara King គឺជាអ្នកផលិតកម្មវិធី ពិភពរីករាយរបស់ ស្ថានីយ៍ទូរទស្សន៍បាយ័ន ហើយលោកជា អតីតប្រធានផលិតកម្មវិធី “នេះមិនមែនជាសុបិន” និងជាអ្នកផលិតកម្មវិធីទាក់ទងសម្រស់ និងសុខភាពឲ្យស្ថានីយទូរទស្សន៍8HD និង My TV ។
សិល្ប:ករដែលប្រាប់ពីប្រភពដ៏ជាក់លាក់ពីការងារអ្នកផលិតកម្មវិធីខាងលើ បានបញ្ចេញនូវអារម្មណ៍សោកស្តាយ ដោយមិននឹកស្មានថា រឿងនេះជារឿងពិត ស្មានតែលោក បង្ហោះក្នុងលក្ខណ:ដ្រាម៉ា ទៅកាន់មិត្តភក្តិលេងហ្វេសប៊ុក ដូចគ្នា ។
ដោយឡែកសម្រាប់សុខទុក្ខរបស់លោក និងសម្រាកនៅមន្ទីរពេទ្យណានោះ នៅមិនទាន់មានប្រភពបញ្ជាក់នៅឡើយនោះទេ៕
មតិយោបល់