តាមរយៈសាព័ត៌មាន CNN បានរាយការណ៍នៅថ្ងៃទី០៩ ខែមករា ឆ្នាំ២០១៦ ថា នៅក្នុងពិធីប្រកាសពានរង្វាន់មាស ពិភពលោក លើកទី ៧៤ ក្រៅពីភាពយន្ដ ឡាឡាលេន ដែលទទួលបាននូវពានរង្វាន់៧ ពានរង្វាន់ផ្សេងៗគ្នានោះ អ្វីដែលពិសេសជាងនេះទៅទៀត គឺលោក ប្រធានាធិបតីថ្មីរបស់ សហរដ្ឋអាមេរិក ដូណាល់ ត្រាំ ត្រូវបានតារាសម្ដែងស្រី ម៉ារី ស្រ្ទីភ លើកពានហើយប្រើថ្វីមាត់ ឌឺដងផ្លែផ្កានៅក្នុងវេទិការទទួលពានរង្វាន់មាស ។

តារាសម្ដែងស្រីវ័យរាងចំណាស់ អាយុ ៦៧ ឆ្នាំ គឺ លោកស្រី ម៉ារី ស្រ្ទីភ បានលើកទៅទទួលពានរង្វាន់មាសលំដាប់ពិភពលោក នាងបានលើកបង្អួតមហាជន ថែមទាំងប្រើថ្វីមាត់ លេបខាយជាមួយសន្ទរកថា ឌឺដងទៅនឹង លោក ប្រធានាធិបតីថ្មី លោក ដូណាល់ត្រាំ ថា ” ហូលីវូតពោពេញទៅដោយអ្នកខាងក្រៅ និងជនបរទេសច្រើន ប្រសិនបើដេញពួកគេចេញទៅ នោះពួកអ្នកទាំងអស់គ្នា នឹងគ្មានអ្វីមើលក្រៅ បាល់ទាត់របស់អាមេរិកាំង និងសិល្បៈ ដែលបែបការពារខ្លួនច្របូកច្របល់លាយលំគ្នា បែបឆ្កួតៗ មិនមែនជាសិល្បពិតប្រាកដ ” ។

គួរបញ្ជាក់ផងដែរថា ពាក្យសម្ដីរបស់លោកដែលបានពោលខាងលើ ដោយមិនបានបញ្ចេញឈ្មោះ លោក ត្រាំ ក៏ពិតមែនក្ដី តែសម្ដីបែបនេះបានបង្ហាញយ៉ាងជាក់ច្បាស់ពីការមិនពេញចិត្តនូវគោលនយោបាយរបស់ លោក ត្រាំ ពិតប្រាកដណាស់ ៕
https://www.youtube.com/watch?v=lpsiwSmy4mg&feature=youtu.be

ប្រភព៖ khaosod