Post News Media ព័ត៌មានសិល្បៈ និងកម្សាន្ត ភាពយន្តខ្មែរព...

ភាពយន្តខ្មែរពីររឿង នឹង​ត្រូវ​ដាក់បញ្ចាំង​នៅមហាស្រពភាពយន្តអន្តរជាតិ

ភាពយន្ត​របស់ខ្មែរ​ចំនួនពីរ ដែលនឹងត្រូវយកទៅដាក់បញ្ចាំង នៅ​មហាស្រពភាពយន្តអន្តរជាតិ នោះគឺភាពយន្ត JailBreak ឬ ការពារ​ឧក្រិដ្ឋជន របស់ Jimmy Henderson និងភាពយន្ត វិកលចរិត របស់លោក ហ៊ុយ យ៉ាឡេង ។​

នេះគឺជា​ចំណង​ដៃថ្មីមួយទៀត ក្នុងឆ្នាំ​២០១៧ ដែល​ភាពយន្តខ្មែរ មានភាពរីកដុសដាល ទៅកាន់តំបន់អន្តរជាតិ ដែល​ជា​សញ្ញាមួយ បង្ហាញថា ភាពយន្តខ្មែរ កាន់តែរីកចម្រើនគួរ​ឲ្យកត់សម្គាល់ ។

យោងតាមគេហទំព័រចៃកុន បានចុះផ្សាយនៅថ្ងៃទី​៤ ខែកុម្ភ: ឲ្យដឹងថា “Jailbreak: ការពាឧក្រិដ្ឋជន” ដែលទើបតែចាក់បញ្ចាំងក្នុងរោងភាពយន្តថ្មីៗនេះ ប៉ន្តែត្រូវបានជ្រើសរើសដើម្បីចាក់បញ្ចាំងក្នុងមហោស្រពភាពយន្តអន្តរជាតិ កម្ពុជា ដែលហៅកាត់ថា (CIFF) ឆ្នាំ ២០១៧ ទៅហើយ។ ភាពយន្ត jailbreak នេះ​បានដាក់បញ្ចាំង៥ថ្ងៃហេីយ តែសន្ទុះអ្នកចូលទស្សនាកាន់តែកេីនទ្បេីងរាល់ថ្ងៃ ពេញៗរោងកុនតែម្តង ។​

ក្រៅពីភាពយន្តកំពុងល្បីខាងលើ​ ក៏មានរឿងខ្មែរមួយទៀតដែលនឹងបង្ហាញវត្តមានរបស់ខ្លួននៅឯមហោស្រព គឺរឿង “វិកលចរិត” ដែលដឹកនាំដោយលោក ហ៊ុយ យ៉ាហេង ហើយរឿងដែលបានទទួលពានរង្វាន់នេះ ក៏កំពុងចាក់បញ្ចាំងនៅបរទេសផងដែរ។ លើសពីនេះ គេរំពឹងថា ការចាក់បញ្ចាំងរឿង “វិកលចារិត” ក្នុងមហោស្រពភាពយន្តលើកនេះ នឹងធ្វើឲ្យកាន់តែល្បីថែមទៀត៕