ក្រោយប្រកាសឲ្យដឹងជាសាធារណ:ពីលិខិតលាឈប់ពីហង្សមាស ហើយមានការចុះផ្សាយថា យក់ ឋិតរដ្ឋា ច្រណែនសុគន្ធ និសា ទើបសម្រេចចាកចេញ បានធ្វើឲ្យនាងឆេះដុំ។
នាងបានហៅការទម្លាយនេះថាជាការបង្ខួចឈ្មោះ នឹងថាជាការលាបពណ៌មិនអាចទទួលយកបាន ដោយសារតែសុគន្ធ និសា មិនមែនជាមូលហេតុដែលធ្វើឲ្យនាងសម្រេចចិត្តដាក់សុំឈប់។
យក់ ឋិតរដ្ឋា និយាយថាការសម្រេចដាក់ពាក្យចាកចេញពីហង្សមាសគឺជាការសម្រេចចិត្តដោយសារតែភាពអស់សង្ឃឹម ពាក់ព័ន្ធនឹងមូលហេតុមិនសូវមានឱកាសបានចេញបទចម្រៀង ក្នុងពេលដែលនាងវ័យរបស់នាងក៏មិនអាចបន្តរង់ចាំបែបហ្នឹងប៉ុណ្ណោះ។

នាងថារយ:ពេលចុងក្រោយមហាជននឹងកាត់ក្ដីបានថាអ្វីដែលនាងសម្រេចចិត្តដើរចេញ ហើយបើទោះជានាងសម្រេចចិត្តដាក់ពាក្យចេញក្រោយពេលសុគន្ធ និសា ត្រលប់ចូលវិញ និងក្រោយពេលហង្សមាសលើសស្ទួយនាងឲ្យមានបទល្អៗ អមដោយការផ្ដល់ឱកាសឲ្យសម្ដែងតួឯករឿងភាគដំបូង ក៏នោះមិនមែនជាបញ្ហា។

នាងថាផលិតកម្មលើកស្ទួយអ្នកណា មិនមែនជាកំហុសរបស់តារានោះទេ អ៊ីចឹងក៏គ្មានហេតុផលដែលនាងច្រណែនហើយសម្រេចចិត្តដាក់ពាក្យសុំឈប់នោះទេ។ នាងថាការប្រកាសថានាងច្រណែនសុគន្ធ និសា គឺជាការលាបពណ៌ ហើយនាងនៅតែអះអាងថាអ្វីដែលបានទម្លាយចេញ គឺជាការផ្ដល់ចម្លើយមិនមានការទទួលខុសត្រូវ។ យ៉ាងណាមិញ នាងអ្វីដែលបានទម្លាយចេញអាចគ្រាន់តែជាការប៉ាន់ស្មានក៏ថាបាន ដោយសារតែនាងយល់ថាថ្នាក់ដឹកនាំហង្សមាសពិតជាមិនផ្ដល់ចម្លើយបែបនោះ។

នាងថាខ្លួនអន់ចិត្តនឹងរឿងថានាងច្រណែនសុគន្ធ និសា តែនាងក៏នាងមិនចង់ឆ្លើយតបនាំឲ្យមានរឿងវែងឆ្ងាយនោះដែរ គឺគ្រាន់តែបកស្រាយកុំឲ្យមានការយល់ច្រទ្បំប៉ុណ្ណោះ។ នាងទទូចកុំឲ្យលាបពណ៌ដោយសរតែការចាកចេញពីហង្សមាសមិនមែនតែនាងម្នាក់ ដ្បិតមានលោក អ៊ិន ទីតូ អតីតអ្នកដឹកតួ កញ្ញាឈិត សុវណ្ណបញ្ញា និងមានតារាច្រើនទៀត បានបង្ហើបប្រាប់នាងថានឹងអាចដើរចេញដូចគ្នា៕