តារាសម្តែង​ Min Hyo Rin បានប្រកាស​ជាផ្លូវការថា​នាង​នឹងចាកចេញពីផលិតកម្ម JYP Entertainment បន្ទាប់​កុងត្រា​របស់នាង នឹងផុតកំណត់នៅខែមីនា ឆ្នាំ​២០១៧ ។​

យោងតាម​គេហទំព័រ koreaboo និង Star News ចុះផ្សាយនៅល្ងាច​ថ្ងៃទី​៨ ខែកុម្ភៈ ឆ្នាំ​២០១៧ បានឲ្យដឹងថា Min Hyo Rin បានចូល​ជ្រកក្នុងផលិតកម្មខាងលើ កាលពីខែមីនា ឆ្នាំ​២០១៤ តែក្រោយជ្រកបាន ៣ឆ្នាំនេះ នាងក៏បានប្រកាសចាកចេញតែម្តង​។​

Min Hyo Rin ដើមឡើយគ្រានតែ​ជាសិក្ខកាម ចូលហ្វឹកហាត់ នៅផលិតកម្ម ខាងលើ មុននាងបង្ហាញខ្លួន​ជា​តួសម្តែង ហើយក៏ច្បាមបានប្រជាប្រិយភាពខ្លាំងក្លា។​ ជាមួយនឹងកេរ្តិ៍ឈ្មោះល្បីល្បាញ នាងក៏បានសម្ព័ន្ធស្នេហា ជាមួយ Taeyang ក្រុម BIGBANG រយៈពេល ១ឆ្នាំ និង​៥ខែ។​

ដោយឡែកខាងផលិតកម្ម JYP Entertainment បានបង្ហាញសារថា បន្ទាប់ពីពិភាក្សា​ ជាមួយ Min Hyo Rin នាងបានសម្រេច​ចិត្ត ដោយមិនធ្វើកុត្រាបន្ត ជាមួយខាងផលិតកម្ម តែយើងនៅតែ​អបអរគ្នាទៅវិញទៅមួយ ក្នុងវិថី​សិល្បៈដូចគ្នា​៕​