បន្ទាប់ពី​សុគន្ធ និសា ដែល​ធ្លាប់ច្រៀង​បទនិពន្ធដោយលោក ម៉ា សេរី នៅមាន​តារាជួរមុខហង្សមាស​មួយទៀត ដែល​ជា​អតីត​តារាចម្រៀង រស្មីស្ទឹងសង្កែ កញ្ញា ឱក សុគន្ធកញ្ញា ។​

បើតាមការទម្លាយស្នាដៃ​និពន្ធដោយលោក ម៉ា សេរី លើគណនីហ្វេសប៊ុក លោកស្រី ស៊ូរ វ៉ាន់នី ដែលជាអតី​​ម្ចាស់​ផលិតកម្មស្ទឹងសង្កែ កាលពីរាត្រីយប់មិញនេះ បាន​បង្ហាញ​តារាចម្រៀង​ដែលធ្លាប់ច្រៀង​បទស្នាដៃនិពន្ធដោយប្រធាន​កីឡាស្ថានីយ៍ទូរទស្សន៍ ស៊ីធីអិន ខាងលើ ។ ក្នុងនោះដែរ មាន ឈឿន ឧត្តម អ៊ឹង វលក្ខណ៍ទេវី សូ សុភ័ក្រ សុគន្ធ និសា និង កាន់តែពិសេសនោះគឺ ឱក សុគន្ធកញ្ញា ។​

សូមរំឭករឿងចាស់បន្តិច ពាក់ព័ន្ធនឹង​ សុគន្ធ និសា វិញ ត្រូវបាន​លោក សុខ ជំនោរ បង្ហាញថា នាងធ្លាប់ច្រៀងបទនិពន្ធដោយ លោក ម៉ា សេរី ក្រោមចំណងជើងថា «អរគុណភាពក្រ» ។ បង្ហាញសារ​លើហ្វេសប៊ុក​អតីតអ្នកនិពន្ធនៅហង្សមាស​រូបនេះ ត្រូវបានគេ​គិតថា លោកចង់ជំរុញ​ឲ្យនាង(សុគន្ធ និសា) ទៅអុជធូប​ ដើម្បីលាគុណស្រ័យចុងក្រោយ​។​

ងាកមកកាន់ ឱក សុគន្ធកញ្ញា វិញ ក៏ធ្លាប់ជាប់គុណស្រ័យតិចតួច​ដែរ ដោយធ្លាប់ច្រៀងបទ និពន្ធដោយលោក ម៉ា សេរី ដូចគ្នា ក្រោមចំណងជើងថា «យំចាំបង​»៕​
ទស្សនាវីដេអូ៖