រូបភាពសត្វស្ទាំងជាច្រើនក្បាលនៅលើកៅអីយន្ដហោះត្រូវបានបង្ហោះលើវេបសាយល្បី Reddit និងត្រូវបានចូលមើលរាប់ពាន់នាក់ក្រោយពីព្រះអង្គម្ចាស់អារ៉ាប៊ីសាអ៊ូឌីត បានទិញសំបុត្រយន្ដហោះ ៨០ កៅអីសម្រាប់បក្សីចិញ្ចឹមអាចធ្វើដំណើរតាមយន្ដហោះដោយសុវត្ថិភាព។
អ្នកដំណើរលើយន្ដហោះមានការភ្ញាក់ផ្អើលខ្លាំងពេលពួកគេឡើងដល់យន្ដហោះ និងបានឃើញកៅអីពាក់កណ្ដាលយន្ដហោះផ្នែកកណ្ដាលសុទ្ធតែជាកន្លែងរបស់បក្សីជិតមួយរយក្បាល។ ស្ទាំង ជាពូជបក្សីដែលត្រូវបានប្រើប្រាស់សម្រាប់ប្រមាញ់ក្នុងប្រទេសអេមីរ៉ាតអារ៉ាប់រួម។
ស្ទាំងទាំងនោះត្រូវបានបិទបាំង របាំងភ្នែកឲ្យមានអារម្មណ៍ត្រជាក់ចិត្ដ កុំឲ្យឆ្លេឆ្លា ពេញយន្តហោះ ។ អ្នកប្រើប្រាស់អ៊ីនធឺណិតម្នាក់បានសរសេរលើបណ្តាញសង្គមបែបលេងសើចថា «ពិតជាគួរឲ្យអាម៉ាស់ណាស់ ពួកគេអត់ឱកាសបានជិះជាមួយហ្វូងតារាទាំងនេះ»។
ដោយឡែកយោងតាមគេហទំព័រ playbuzz បានចុះផ្សាយឲ្យដឹងថា អ្វីដែលចម្លែកនឹកស្មានមិនដល់នោះ ស្ទាំងព្រះអង្គម្ចាស់ អារ៉ាប៊ី សាអ៊ូឌីត មាន លិខិតឆ្លងដែន មួយៗផ្ទាល់តែម្តង។
នៅចន្លោះឆ្នាំ ២០០២ និង ២០១៣ នៅ អារ៉ាប៊ី សាអ៊ូឌីត បានចេញលិខិតឆ្លងដែន ឲ្យសត្វស្ទាំងចំនួន ២៨០០០ ក្បាល ។ ការចេញលិខិតឆ្លងដែនឲ្យសត្វស្ទាំងនេះ ក្នុងគោលបំណងប្រយុទ្ធប្រឆាំង និងការលក់ខុសច្បាប់ និងការធ្វើពាណិជ្ជកម្មលើសត្វទាំងនេះ ដែលកំពុងប្រឈមនឹងផុតពូជ ៕
មតិយោបល់