Post News Media ព័ត៌មានសិល្បៈ និងកម្សាន្ត កែវ សុរិយា ចេ...

កែវ សុរិយា ចេញមុខ​បកស្រាយ​ក្រោយប្តី​ប្រើហិង្សា​

ខណ:ដែលទទួលស្គាល់នឹងបង្ហោះនៅលើហ្វេសប៊ុក រឿ​ង​ប្តីប្រើហិង្សា គប់​នឹង​កាំបិត​បណ្តាល​ឲ្យ​ដាច់សាច់មួយដុំ​ផ្នែកសុដន់ និង ស្នាមរបួស​ត្រង់​កែងជើង​នោះ អតីត​តារាសម្តែង កែវ សុរិយា បានអះអាង​ប្រាប់​ Post Komsan ក៏ដូចជា Post News Media ឲ្យដឹងថា នាង​មិនអាច​លែង​ប្តីនោះទេ ។​

មិនលែង​ប្តីដែលប្រើហិង្សា ក៏ព្រោះតែ​នាងបានយល់ឃើញថា អាណិតដល់កូន ខ្លាច​គ្មាន​ឪពុកហៅនឹង​គេ និងឯង ។​
ថ្លែង​ជា​សំឡេង តាមរយ:​បណ្តាញសង្គមហ្វេសប៊ុក កែវ សុរិយា ថា«ពួកខ្ញុំមិនទាន់ត្រូវគ្នាទាំង​ស្រុងនោះទេ ដោយគ្រាន់តែនៅបន្ទប់បែកគ្នាសិន តែពួកយើងអត់អាចលែងគ្នាបាននោះទេ» ។​

កែវ សុរិយា ដែលគេ​ស្គាល់ថា​អតីត​តារាសម្តែងសិចស៊ីនោះ បានបន្ត​ទៀតថា ក្នុងគ្រួសារមួយណា ក៏មានឈ្លោះប្រកែកគ្នា ប៉ុន្តែ​ដោយសារតែ​ការ​សម្រុះសម្រួល​ពីឪពុកម្តាយ​ទាំង​សងខាង ក៏ដូចបងប្អូន ចឹងពួកខ្ញុំ​អត់មានការលះលែង ឬបែកបាក់គ្នានោះទេ ខណ:ដែលមានកូនស្រីម្នាក់គួរ​ឲ្យស្រឡាញ់ដែរ មិនអាច​ឈានជើងចោលកូន ហើយគឺមានតែភាពអត់ធ្មត់។

កែវ សុរិយា បានទទួលស្គាល់ថា ពេលនេះ នៅក្តៅចិត្តរៀងៗខ្លួន បន្តិច តែមិនលែងលះទេ ដោយគ្រាន់តែគេង​បន្ទប់ផ្សេងគ្នា និងសម្រួល​អារម្មណ៍រៀងខ្លួន ត្រៀម​លើកបញ្ហាដាក់លើតុ បញ្ចប់ជម្លោះ​៕​