ក្នុងកម្មវិធីសន្និសីទកាសែត​សម្ពោធខ្សែភាពយន្ត «សតិជាប់ទ្រុង​» របស់ផលិតករឥណ្ឌា កាត់អាម៉េរិក​ កាលពីល្ងាចថ្ងៃទី​៦ ខែមីនា ឆ្នាំ​២០១៧ នៅផ្សារទំនើប អ៊ីនអនម៉ល អ្នកនាងស្វែង​ សុជាតា បានធ្វើការបញ្ជាក់ពី​សាក់លើដង​ខ្លួន​របស់នាង ខុសពី​សាក់អ្នកនាង Angelina Jolie ។​

ក្នុងបទសម្ភាសន៍ផ្ទាល់ជាមួយ Post Komsan អ្នកនាង ស្វែង សុជាតា បានបញ្ជាក់ថា បើនិយាយពីស្នាមសាក់​ បណ្តូលពណ៌ខ្មៅ នាងទើបតែសាក់នោះទេ ប៉ុន្តែ​ស្នាមសាក់ពេញមួយផ្ទៃខ្នង អ្នកនាងបានសាក់ជាច្រើនឆ្នាំមកហើយ​។​
អ្នកនាងស្វែង សុជាតា ថា«ខ្ញុំមិនដឹងថា​សាក់ Angelina Jolie មានន័យថាម៉េចនោះទេ ? ប៉ុន្តែ​សម្រាប់នាងខ្ញុំ គឺមានន័យរបស់ខ្ញុំគឺខ្ញុំសាក់ទៅតាមថ្ងៃខែឆ្នាំកំណើត​របស់ខ្ញុំ ដោយមន្ត​អាគមរបស់ខ្មែរ មានន័យ ក្រិតក្រមច្បាស់លាស់» ។

តួស្រីក្នុងរឿង First They Killed My Father បានបន្តថា បើយើងចេះតែយកមកសាក់ ខុស​ខែខុសថ្ងៃមិនកើតទេ ហើយ​អ្នកនាងចាប់ផ្តើមសាក់នេះ តាំងពីអ្នកនាងបានជាសះពីជំងឺ​ ដុះដុំសាច់ក្នុងខួរក្បាល ៕​
ទស្សនាវីដេអូឃ្លិបដូចខាងក្រោមនេះ៖
https://www.youtube.com/watch?v=vVNcJ-XUDz0&feature=youtu.be