ដើម្បីអបអរដល់ថ្ងៃ ទិវារំឭកគុណម្តាយ ដែលធ្វើឡើងក្នុងពេលខាងមុខនេះ តារាសម្តែងជើងចាស់ ក្តោបបានតំណែងតួសំខាន់ៗ របស់ផលិតករបរទេស លោក សាវិន ហ្វីលីព បានផលិតបទចម្រៀងមួយបទ ទាក់ទងសាច់រឿងពិតរបស់ខ្លួន ដោយតម្រូវឲ្យកូនប្រុសច្បងរបស់លោកចូលរួមសម្តែង។
បទ«អ្នកមានគុណ» ត្រូវបានលោក សាវិន ហ្វីលីព បង្កើតឡើងនិងបញ្ចេញជា Trailer ជាផ្លូវការហើយ ដែលច្រៀងដោយ យាយខ្លា និងកំពុងទទួលបានការចាប់អារម្មណ៍ លើបណ្តាញសង្គមហ្វេសប៊ុក។ បទខាងលើ ត្រូវបានលោក សាវិន ហ្វីលីព អះអាងថា ជាបទពាក់ព័ន្ធសាច់រឿងពិតរបស់លោក និងម្តាយ។
ដោយឃើញថាកូនប្រុសរបស់ខ្លួនចង់ចូលរួមសម្តែងដែរនោះ លោក ក៏បានសម្រេចចិត្តឲ្យកូនរបស់លោកឈ្មោះ យោធិន វីរ៉ាយុត្ត ដែលជាកូនច្បងឲ្យចូលរួមសម្តែងតែម្តងទៅ។
លោក សាវិន ហ្វីលីព ជាស្ថាបនិកអង្គការ មូលនិធិ “សាវិន” ដើម្បីកុមារ ថាបទចម្រៀងខាងលើនេះនិពន្ធទំនុកច្រៀងដោយលោកផ្ទាល់ និង ធ្វើភ្លេងថ្មី Original Song ដោយយាយខ្លា ដែលត្រៀមចូលរួមរំឭកទិវាគុណម្តាយ ដែលប្រារព្ធឡើងក្នុងពេលខាងមុខ។
លោកថា«បទនេះដែរសរសេរឡើង ក្នុងគោលបំណងចង់រំឭកនូវអនុស្សាវរីយ៍ ដែលម្តាយខ្ញុំធ្លាប់និយាយប្រាប់ពីប៉ាខ្ញុំ បន្ទាប់ពីខ្ញុំកើតមកអត់បានឃើញមុខគាត់ ហើយក្រោយប៉ាស្លាប់ទៀតសោត អ្នកម្តាយអាយុ ២៧ឆ្នាំ គាត់ក៏មិនបានយកប្តីទៀតដែរ ដោយខ្លាចយកប្តីក្រោយទៅគេធ្វើបាបកូន ហើយរស់នៅក្នុងស្ថានភាពកម្សត់ ដែលដិតដាមក្នុងខួរក្បាលរាល់ថ្ងៃ»៕
ទស្សនាវីដេអូចម្រៀងដូចខាងក្រោមនេះ៖
មតិយោបល់