តារាចម្រៀង Beyonce មានទំនាក់ទំនងស្និទ្ធជាមួយក្មេងស្រីម្នាក់ ដែលជាអ្នកគាំទ្ររបស់នាង តាមរយ:មិត្តភក្ដិនាងបានណែនាំឲ្យស្គាល់ ហើយបច្ចុប្បន្ននេះ ក្មេងស្រីម្នាក់នោះកំពុងសម្រាកព្យាបាលជំងឺមហារីកដំណាក់កាលចុងក្រោយនៅក្នុងមន្ទីរពេទ្យផងដែរ ។

តាមរយ:សារព័ត៌មាន abcnews នៅថ្ងៃទី២៤ ខែមីនា ឆ្នាំ២០១៧ បានឲ្យដឹងថា តារាចម្រៀង Beyonce កំពុងមានផ្ទៃពោះដែលជិតគ្រប់ខែហើយ នាងនៅមិនភ្លេចឡើយក្នុងការសួរសុខទុក្ខក្មេងកើតជំងឺមហារីក បើទោះបីជានាងមិនបានមកមន្ទីរពេទ្យដោយផ្ទាល់ក៏ដោយ នាងបាននិយាយតាមវីដេអូមកសួរសុខទុក្ខក្មេងស្រីនោះ តាមរយ:មិត្តភក្ដិរបស់នាង ។

ក្មេងស្រីវ័យ ២០ ឆ្នាំជាង មានឈ្មោះថា Ebony Banks នាងត្រូវបានគេហៅក្រៅថា Banks ហើយ នាងមានជំងឺមហារីក ដែលកំពុងរក្សាព្យាបាលនៅមន្ទីរពេទ្យ នាងបាននិយាយទូរស័ព្ទឆ្លងឆ្លើយជាមួយតារាចម្រៀងស្រី Beyonce ដោយនិយាយមានតែពាក្យមួយឃ្លាគត់គឺ ” ខ្ញុំស្រលាញ់អ្នក Beyonce ” ដែលការនេះបានសម្រេចក្ដីបំណងសម្រាប់នាង មុខពេលដែលនាងបានបិទភ្នែកលែងឃើញពិភពលោកមួយនេះ៕