កាលពីព្រឹកថ្ងៃទី២៦ ឧសភា ក្បួនដង្ហែរព្រះពុទ្ធសាសនារបស់ប្រទេស៥គឺថៃ ឡាវ កម្ពុជា វៀតណាម និងភូមា បានចុះសំចតនៅក្នុងប្រទេសកម្ពុជានៅសណ្ឋាគារសូហ្វីតែលភ្នំពេញ បន្ទាប់ពីបានចំណាយពេលច្រើនថ្ងៃ ដង្ហែព្យុហយ៉ាត្រាចេញតាំងពីថៃ និងឆ្លងកាត់ឡាវមុនមកដល់កម្ពុជា។ អ្នកស្រីថុង ស៊ីវទៀង ម្ចាស់ផលិតកម្មចក្រវាទ្យពេជ្រ ដែលបានចូលរួមក្នុងពិធីនោះបានអះអាងថា ព្យុះហយាត្រាព្រះពុទ្ធសាសានានៅក្នុងប្រទេសអាស៊ានដីគោកទាំង៥នេះ អ្នកស្រីយល់ថាជាព្រឹត្តិការណ៍ធំគួរឲ្យកត់សម្គាល់ និងផ្ដល់អត្តប្រយោជន៍យ៉ាងខ្លាំង។

អ្នកស្រីថាជាលើកទី១ ដែលអ្នកស្រីបានឃើញព្រះសង្ឃច្រើនអង្គដែលរួមមានសម្ដេចសង្ឃតំណាងព្រះពុទ្ធសាសនារបស់ប្រទេសនីមួយៗទាំង៥ផងបានរួមគ្នាដង្ហែរក្បួន ហើយបានមកចុះចតនៅកម្ពុជាដោយអ្នកស្រីក៏បានមកទទួលដល់សណ្ឋាគារសូហ្វីតែលភ្នំពេញ។ អ្នកស្រីថាក្បួនព្រះពុទ្ធសាសរួមគ្នាមិនខុសពីជួយលើកកម្ពស់ព្រះពុទ្ធសាសនា និងពញាក់អារម្មណ៍ចំពោះអ្នកបែកធ្វេងនឹងព្រះពុទ្ធសាសនាឲ្យចេះស្រឡាញ់បុណ្យបាបឲ្យបានកាន់តែច្រើននោះទេ។ អ្នកស្រីថាការដង្ហែរក្បួនមួយត្រូវការពេលវេលា និងការអត់ធ្មត់ណាស់ទើបអ្នកនាងយល់ថាក្បួនដង្ហែរព្រះពុទ្ធសាសនាដែលបានធ្វើដំណើរចេញទាំងពីបាងកក ឆ្លងទៅឡាវ និងទើបមកដល់កម្ពុជាគឺជារឿងដែលអ្នកស្រីគួរកោតសរសើរចំពោះគំនិតអភិរក្សមួយនេះ។ អ្នកស្រីថាក្នុងនាមជាផលិតករមួយរូបអ្នកស្រីមិនត្រឹមតែស្រឡាញ់ និងគោរពបូជាព្រះពុទ្ធសាសនានៅខាងក្រៅប៉ុណ្ណោះទេ គឺសួម្បីតែក្នុងភាពយន្តរបស់ផលិតកម្មចក្រវាទ្បពេជ្រភាពយន្តក៏អ្នកស្រីបានបញ្ចូលឈុតឆាកសាសនាដើម្បីជំរុញទឹកចិត្តឲ្យក្មេងជំនាន់ក្រោយស្គាល់បុណ្យស្គាល់ទានផងដែរ។ ជាក់ស្ដែងក្នុងពេលដ៏ខ្លី អ្នកស្រីនឹងផលិតរឿងភាគក្រោមចំណងជើងថា«ព្រះមោគលាន!»ដែលមានទម្រង់ពាក់ព័ន្ធនឹងព្រះពុទ្ធសាសនាសុទ្ធសាធ ដូចជាការរំលេចបុណ្យបាបដើម្បីឲ្យអ្នកទស្សនាស្គាល់អ្វីថាជាអំពើកុសល និងអកុសល។
តំណាងអ្នករៀបចំកម្មវិធីបានអះអាងថា ក្បួនព្យុហយាត្រាព្រះពុទ្ធសាសនារបស់ប្រទេសទាំង៥នៅអាស៊ានដីគោគនេះ បានចេញដំណើរពីវិទ្យាស្ថានពោធិគយាវិទ្យល័យ នៅក្នុងប្រទេសថៃ ហើយបានដង្ហែរឆ្លងកាត់ប្រទេសឡាវ និងបានមកដល់ភ្នំពេញ កាលពីល្ងាចថ្ងៃទី២៥ ឧសភា។ គណប្រតិភូសាសនាតំណាងឲ្យប្រទេសទាំង៥នេះ ត្រូវបានទទួលស្វាគមន៍ដោយថៅកែសូហ្វីតែលដែលជាអ្នករៀបចំព្រឹត្តិការណ៍ព្រះពុទ្ធសាសនាអាស៊ាននេះ និងគ្រោងធ្វើដំណើរចេញទៅប្រទេសថៃវៀតណានៅព្រឹកថ្ងៃទី២៧ ឧសភានេះ រួចទើបបកមកកម្ពុជាតាមច្រកកោះកុង មុនឆ្លងទៅកាន់ប្រទេសថៃវិញ។ តំណាងអ្នករៀបចំបន្តថាក្បួននេះនឹងចេញពីថៃឆ្លងទៅភូមា ទើបត្រលប់មកបញ្ចប់នៅកន្លែងដើមនៅថ្ងៃទី៤ មិថុនាខាងមុខដើម្បីបញ្ចប់ព្រឹត្តិការណ៍។ ក្បួនដង្ហែរនេះត្រូវបានប្រកាសថាមានរយ:ចម្ងាយផ្លូវ២៥០០គីម៉ែត្រ ដោយការធ្វើដំណើរដល់កន្លែងខ្លះក៏ជីឡាន និងកន្លែងត្រូវដើរថ្មើជើង។ នេះជាក្បួនដង្ហែសាសនាលើកទី១ដែលប្រទេសទាំង៥នៅអាស៊នាដីគោកបានរួមគ្នាធ្វើ បន្ទាប់ពីមើលឃើញជំនឿព្រះពុទ្ធសាសនាមានការធ្លាក់ចុះជាងមុន។

យ៉ាងណាមិញក្បួនដង្ហែរនឹងទៅទឹកដីកម្ពុជាប្រទេសវៀតណាមត្រឹមតែមួយយប់ប៉ុណ្ណោះ ទើបអ្នករៀបចំកម្មវិធីបញ្ជាក់ថាសម្រាប់កម្ពុជាមានសំណាងជាងគេ ព្រោះក្បួននេះឈប់សំចតច្រើនម៉ោងជាងនិងមានពុទ្ធបរិស័ទចូលរួមកុះករចង់ជាងបណ្ដាខេត្តមួយចំនួនរបស់ថៃ និងឡាវដែរ៕

//www.youtube.com/watch?v=4r8egZ1Mjak&feature=youtu.be