កាលពីយប់ថ្ងៃ២៩ មិថុនា តារាសម្ដែងនាងពៅ លីដា បានប្រារព្ធពិធីខួបកំណើតលោក ពៅ ពិសិដ្ឋ ជាប្អូនប្រុសយ៉ាងអធឹកអធម ដោយមានតារាមិនតិចនាក់នោះទេបានចូលរួម។ យ៉ាងណាមិញ នាងថានោះគ្រាន់តែជាការជួបជុំជាទ្រង់ទ្រាយសមញ្ញប៉ុណ្ណោះ ទើបមិនមានបោះសំបុត្រ និងធ្វើហាងដែលមានទម្រង់ធំដុំជាងនេះ។
![](https://i0.wp.com/cdn.pnm.news/2017/06/pov-lida.jpg?resize=630%2C330&ssl=1)
ពិធីខួបដែលត្រូវបានប្រារព្ធធ្វើឡើងនោះគឺធ្វើក្នុងបរិវេណផ្ទះវីឡារបស់នាង នៅបុរីពិភពភ្នំពេញជិតវត្តសំរោងអណ្ដែត ដោយក្នុងពិធីនោះបើទោះជាបានរៀបចំជួបជុំក្នុងផ្ទះក៏ពិតមែន ប៉ុន្តែភ្ញៀវកិត្តិយស និងតារាសិល្បៈមានច្រើនកុះករត្រូវបានអញ្ជើញ។ មុនពិធីខួបមួយថ្ងៃលោកពៅ ពិសិដ្ឋ ក៏ត្រូវគេឃើញគ្រួសាររៀបចំឲ្យយកគ្រឿងឧបភោគបរិភោគទៅប្រគេនដល់ព្រះសង្ឃនៅវត្តសំរោងអណ្ដែត ដើម្បីសុំពរជ័យតាមបែបព្រះពុទ្ធសាសនាផងដែរ។
![](https://i0.wp.com/cdn.pnm.news/2017/06/photo_2017-06-29_23-19-43.jpg?resize=640%2C640&ssl=1)
កញ្ញាពៅ លីដា និយាយថា ហេតុផលដែលនាងធ្វើពិធីខួបកំណើតឲ្យប្អូនរបស់នាងនៅផ្ទះ ហើយធ្វើក្នុងចំនួនធំដុំគួរសមនេះ គឺដោយសារតែនាងមិនចង់ចំណាយលុយជួលហាង និងចង់ឲ្យតារាសិល្បៈ ជាពិសេសគឺភ្ញៀវកិត្តិយសបានស្គាល់ផ្ទះនាងនោះផង។
![](https://i0.wp.com/cdn.pnm.news/2017/06/photo_2017-06-29_23-19-45.jpg?resize=640%2C480&ssl=1)
នាងថាលោកពៅ ពិសិដ្ឋ បានឈានឡើងនៅក្នុងវិស័យសិល្បៈច្រើនក្រែលមកហើយ ទើបនាងសម្រេចចិត្តចេញមុខធ្វើខួបកំណើតឲ្យដើម្បីលើកមុខលើកមាត់របស់លោកឲ្យកាន់តែមានការឈានឡើងបន្ថែមទៀតនៅក្នុងវិស័យសិល្បៈ។ នាងក៏បានប្រកាសថាបានផ្ដល់កាដូរមួយចំនួនជាការលើកទឹកចិត្តដល់ប្អូនប្រុសផងដែរ ដើម្បីឲ្យប្អូនលោកសប្បាយចិត្តក្នុងថ្ងៃខួបកំណើតនោះ៕
![](https://i0.wp.com/cdn.pnm.news/2017/06/photo_2017-06-29_23-19-48.jpg?resize=640%2C480&ssl=1)
![](https://i0.wp.com/cdn.pnm.news/2017/06/photo_2017-06-29_23-19-49.jpg?resize=640%2C480&ssl=1)
![](https://i0.wp.com/cdn.pnm.news/2017/06/photo_2017-06-29_23-19-50-2.jpg?resize=640%2C480&ssl=1)
![](https://i0.wp.com/cdn.pnm.news/2017/06/photo_2017-06-29_23-19-50.jpg?resize=640%2C960&ssl=1)
![](https://i0.wp.com/cdn.pnm.news/2017/06/photo_2017-06-29_23-19-52.jpg?resize=640%2C853&ssl=1)
![](https://i0.wp.com/cdn.pnm.news/2017/06/photo_2017-06-29_23-19-54.jpg?resize=640%2C853&ssl=1)
![](https://i0.wp.com/cdn.pnm.news/2017/06/photo_2017-06-29_23-19-55.jpg?resize=640%2C853&ssl=1)
![](https://i0.wp.com/cdn.pnm.news/2017/06/photo_2017-06-29_23-19-56-2.jpg?resize=640%2C960&ssl=1)
![](https://i0.wp.com/cdn.pnm.news/2017/06/photo_2017-06-29_23-19-56.jpg?resize=640%2C853&ssl=1)
![](https://i0.wp.com/cdn.pnm.news/2017/06/photo_2017-06-29_23-19-57.jpg?resize=640%2C427&ssl=1)
![](https://i0.wp.com/cdn.pnm.news/2017/06/photo_2017-06-29_23-19-58-2.jpg?resize=640%2C960&ssl=1)
![](https://i0.wp.com/cdn.pnm.news/2017/06/photo_2017-06-29_23-19-58.jpg?resize=640%2C426&ssl=1)
![](https://i0.wp.com/cdn.pnm.news/2017/06/photo_2017-06-29_23-19-59.jpg?resize=640%2C480&ssl=1)
![](https://i0.wp.com/cdn.pnm.news/2017/06/photo_2017-06-29_23-21-46.jpg?resize=640%2C480&ssl=1)
![](https://i0.wp.com/cdn.pnm.news/2017/06/photo_2017-06-29_23-21-48.jpg?resize=640%2C853&ssl=1)
មតិយោបល់