ក្រោយពីបូជាសពម្ដាយកាលពីថ្ងៃទី១៧ ខែកក្កដា ឆ្នាំ២០១៧ តារាចម្រៀង សុខ រក្សា ត្រូវគេចាប់អារម្មណ៍យ៉ាងខ្លាំងដោយសារតែលោកមិនកោរសក់ដូចគ្នានឹងកញ្ញារ៉ូលីន ដែលបានកោរសក់ឲ្យម្ដាយ។ យ៉ាងណាលោកបានបញ្ជាក់ថា មានសមាជិកក្នុងគ្រួសាររបស់លោករ៉ាប់រងរឿងកោរសក់រួចហើយ និងដោយសារតែលោកត្រូវមានភារៈរឿងការងារសិល្បៈផង ទើបលោកមិនកោរសក់។ លោកក៏ត្រូវភរិយាមិនទាន់រៀបការប្រកាសថាជាតារាដែលមានទុក្ខក្នុងគ្រួសារផ្ទួនៗ ដោយសារតែម្ដាយក៏ស្លាប់ បន្ទាប់ពីបងប្រុសទើបនឹងស្លាប់ ដែលជារឿងកម្រមាននោះផងដែរ។

កញ្ញា កុល ដាវី ដែលអ្នកណាក៏ដឹងថាភរិយាមិនទាន់រៀបការរបស់លោកបង្ហោះថា បងប្រុសរបស់លោកសុខ រក្សា ទើបតែស្លាប់កាលពី៣ឆ្នាំមុនប៉ុណ្ណោះ គឺមុនពេលម្ដាយរបស់លោកធ្លាក់ខ្លួនឈឺដុនដាប។ សាររបស់នាង ធ្វើឲ្យម្នាក់ស្រឡាំងកាំងនឹកអាណិតលោក ដ្បិតត្រឹមរយៈពេល៣ឆ្នាំលោកត្រូវបាត់បង់មនុស្សសំខាន់២នាក់ ក្នុងពេលដែលបងប្រុសរបស់លោកទើបនឹងស្លាប់ ស្រាប់តែម្ដាយរបស់លោកក៏លាចាកលោកទៀត។ ក្នុងពិធីបុណ្យសពរបស់ម្ដាយលោក សុខ រក្សា គេកត់សម្គាល់ថាមានអ្នកធំអ្នកតូចចូលរួមថវិកាយ៉ាងច្រើន ប៉ុន្តែសម្រាប់តារាសិល្បៈមិនសូវច្រើនទេ បើធៀបនឹងពិធីបុណ្យសពរបស់ម្ដាយរបស់រ៉ូលីន ដែលបានធ្វើឡើងដូចគ្នា។ លោកសុខ រក្សា រមែងប្រកាសថាលោក នឹងរៀបការ ទន្ទឹមនឹងផ្ទះវីឡារបស់លោកនៅបុរីជីបម៉ុងដែលមានតម្លៃខ្ទង់សែនដុល្លាររួចរាល់ដើម្បីឲ្យម្ដាយបានឃើញមង្គលការ ប៉ុន្តែនៅក្នុងពេលនេះអ្វីៗបានចប់ទៅហើយ ដោយសារតែម្ដាយរបស់លោកត្រូវលាចាកលោកទៅទន្ទឹមនឹងបងប្រុសរបស់លោកក៏ទើបនឹងលាចាកលោកដែរ៕