កាន់តែមានការចាប់អារម្មណ៍ទៀតហើយ បន្ទាប់ពីតារាសម្ដែង នាង នៅ សូនីតា ប្រកាសឡើងវីឡាតម្លៃសែនដុល្លារ ក្មុងពេលដែលនាងប្រកាសថាវីឡាដែលសង់ជិតរួចនោះ ក៏ត្រូវចំណាយលើការដេគ័រមិនតិចបន្ថែមទៀត។ ទ្រព្យមហាសាលដែលនាងទើបសម្ញែងនេះ គឺបានកើតឡើងក្រោយពីមានព័ត៌មានទើបបានផ្សាយថា នាងមានទំនាក់ទំនងមិនធម្មតាជាមួយលោកផ្កាយ៣ បន្ទាប់ពីមានស្រ្តីម្នាក់បានចោទនាងថាបណ្ដើរមន្ត្រីនោះទៅថៃជារបៀបគូស្នេហ៍។

នៅលើបណ្ដាញហ្វេសប៊ុក ម្នាក់ៗសុទ្ធតែបានកោតសរសើរពីជោគវាសនា របស់ស្រីស្អាត នៅ សូនីតា បន្ទាប់ពីនាងប្រកាសជាសាធារណៈថា ផ្ទះវីឡាដែលបុរសសំណព្វចិត្តរបស់នាងទិញជាកាដូសង់ជិតរួចហើយ។ នាងបានឆ្លើយក្នុងComment អ្នកគាំទ្រថា នឹងធ្វើពិធីឡើងអោយធំនៅដើមឆ្នាំក្រោយ ដោយគម្រោងឡើងផ្ទះនេះនាងធ្លាប់ប្រកាសម្ដងហើយថា នឹងធ្វើក្នុងអំឡុងចុងឆ្នាំនេះ ប្រសិនបើផ្ទះសង់រួចនៅពាក់កណ្ដាលឆ្នាំ តែដោយសារលែងច្បាស់ពីការរួចរាល់មកទល់នឹងដើមខែសីហានេះ ទើបពិធីឡើងផ្ទះត្រូវពន្យារដល់ឆ្នាំក្រោយ។ ក្នុងពេលប្រកាសបង្ហាញវីឡាភ្លាមៗ នាងបានបញ្ជាក់ថាផ្ទះនេះជាកាដូរបស់បុរសម្នាក់ ដោយនាងសរសេរថា” អរគុណបងដែលគោរពពាក្យសច្ចៈ និងធ្វើអោយអូនបានសម្រេចក្ដីសុបិន្ត”ជាដើម។ យ៉ាងណាមិញនាងមិនដែលបង្ហាញថា បុរសណាម្នាក់មានលុយច្រើនដល់ម្លឹង ទិញវីឡា និងផ្ដល់ភាពហ៊ឺហារអោយនាងនាពេលចុងក្រោយនោះទេ ក្នុងពេលដែលអ្មកប៉ាន់ស្មាន បានត្រឹមតែចោទថានាងមានសង្សារម្នាក់ជាកូនអ្នកមាន។ ប៉ុន្តែយោងតាមព័ត៌មានដែលផ្សាយមុននោះ បញ្ជាក់ថា នៅ សូនីតា ត្រូវបានលោកផ្កាយ៣នៅក្រសួងមហាផ្ទៃម្នាក់ ស្រលាញ់ពេញចិត្ត ទើបធ្វើអោយជីវិតឯកជនរបស់នាងប្រែប្រួល។ នាងត្រូវគេទម្លាយថា ឧស្សាហ៍ឃើញបណ្ដើរលោកផ្កាយ៣នោះទៅថៃ និងទៅក្រៅប្រទេសញឹកញាប់ ដោយបិះនឹងធ្វើ​ឲ្យភរិយាពេញសិទ្ធិសព្វថ្ងៃរបូតតំណែងផង។ អ៊ីចឹងហើយទើបម្នាក់ៗចាប់អារម្មណ៍ឡើងវិញ ក្នុងពេលដែលនាងទើបស្ងាត់ដំណឹងពាក់ព័ន្ធផ្កាយ៣មានភរិយារួចសោះ ស្រាប់តែប្រកាសឡើងវីឡា។

ពាក់ព័ន្ធនឹងការចោទប្រកាន់នេះ នៅ សូនីតា មិនដែលចេញមុខបកស្រាយទេ ក្នុងពេលដែលមានការផ្សាយថា នាងជាប់ចំណងស្នេហ៍ជាមន្ត្រីផ្កាយ៣នោះឡើងកក្រើកមួយខ្យល់មុន ក៍នាងបង្ហាញភាពស្ងប់ស្ងាត់។ យ៉ាងណាមិញ Postkomsan នឹងរង់ចាំការបកស្រាយរបស់នាងជុំវិញវីឡាមួយនេះ៕