ខណៈដែលតារាល្បីឈ្មោះវ័យក្មេងខ្លាំងសឹងរកទីផ្សារចេញក្រៅប្រទេសមិនបាននោះផង អ្នកនាងចាន់ តារាទី ដែលជាតារាចាស់វស្សា ស្រាប់តែបានមួយក្តាំងយ៉ាងឡូយនៅអូស្ត្រាលី ដោយអ្នកនាងចាកចេញទៅទីនោះដើម្បីសម្ដែងកើបលុយតែម្ដង។
តាមគម្រោងអ្នកនាងត្រូវសម្ដែងនៅទីនោះរហូតដល់២ខែឯណោះ ដោយសារតែមានសំណូមពរច្រើនចង់អោយឃើញអ្នកនាងដោយផ្ទាល់នៅលើទឹកដីអូស្រ្តាលី អ៉ីចឹងហើយទើបអ្នកណាក៏៏ភ្ញាក់ផ្អើលដោយសារតែអ្នកនាងមិនធ្លាប់បង្ហើបអោយដឹងពីគម្រោងចេញក្រៅប្រទេសទាល់តែសោះស្រាប់តែក្នុងពេលនេះស្ងាត់ៗគឺមិនខុសពីអ្នកអូស្ត្រាលីហៅអោយលុយធំ ខណៈដែលតារាវ័យក្មេងដែលទន្ទឹងចង់បានការសម្ដែងក្រៅប្រទេសបែរជាគ្មានឱកាស។

យោងតាមហ្វេសប៊ុកផ្លូវការរបស់អ្នកនាងចាន់ តារាទី អ្នកនាងបានបង្ហោះអោយដឹងថា អ្នកនាងបានចាកចេញពីប្រទេសអូស្រ្តាលីតាំងពីថ្ងៃទី២៣ កញ្ញា មកម្ល៉េះ ដើម្បីទៅសម្ដែងនៅប្រទេសអូស្រ្តាលី ដោយគ្រាន់តែមិនទាន់ដឹងថាតើអ្នកនាងចេញទៅក្នុងគម្រោងដើម្បីរៃអង្គាសថវិកាជួយកសាងវត្តដូចតារាមួយចំនួនដែលត្រូវបានគេធានាទៅកន្លងមក ឬទៅច្រៀងក្នុងគោលបំណងផ្សេង។ អ្នកនាងត្រូវបានកូនប្រុសបញ្ជាក់ប្រាប់ថាទៅរយៈពេល២ខែ ដោយក្នុងរយៈពេលសម្ដែងនោះ គឺអ្នកនាងនឹងត្រូវច្រៀងរាំច្រើនកន្លែង ហើយក៏មានគម្រោងដើរលេងបន្ថែមពីលើផងដែរ។ អ្នកនាងចាកចេញទៅតែម្នាក់ឯងប៉ុណ្ណោះ ហើយក៏មិនមែនជាលើកទី១នោះដែរ ដោយសារតែពេលអ្នកនាងនៅល្បីខ្លាំង និងនៅវ័យក្មេងជាងនេះ គឺមានការអញ្ជើញអោយចេញសម្ដែងបែបនេះច្រើនលើកមកហើយ ជាពិសេសនៅលើទឹកដីអូស្រ្តាលី។ អ្នកនាងក៏មានគម្រោងទៅសួរសុខទុក្ខមិត្តភក្តិ និងអ្នករាប់អានគ្នានៅក្នុងគម្រោងនោះដែរ ទើបអ្នកនាងសម្រេចចិត្តទទួលយកការសម្ដែង បើទោះជាអ្នកនាងមិនសូវចូលចិត្តច្រៀងរាំដូចកាលពីក្មេង។

យ៉ាងណាមិញ អ្នកនាងក៏ពិតជាកើបលុយធីបមកវិញមិនតិចជាងខ្ទង់ពានដុល្លារនោះទេ ទម្រាំតែចប់ការសម្ដែង ដោយសារតែអ្នកនាងជាតារាល្បីឈ្មោះដែលមានបងប្អូនខ្មែរនៅអូស្រ្តាលីចង់ឃើញដោយផ្ទាល់ ដែលក្រៅពីទៅទិញសំបុត្រទស្សនាការសម្ដែងរបស់អ្នកនាង និងសុំថតជាមួយអោយលុយធីបហើយ ក៏ពិតជាអញ្ជើញអ្នកនាងអោយទៅជប់លៀងជូនលុយជូនកាក់ និងកាដូជាច្រើនថែមទៀត។ ម្នាក់ៗសរសើរថាអ្នកនាងចាស់ហើយនៅតែឡូយ ដោយសារតែនៅមានទីផ្សារនៅក្រៅស្រុក ដែលផ្ទុយពីតារាក្មេងខ្លះនៅល្បីខ្ទរខ្ទារនៅឡើយផង តែចាប់ផ្ដើមបាត់បង់ទីផ្សារចេញសម្ដែងក្រៅស្រុកជាបណ្ដើរៗអស់ទៅហើយ៕