ខុសពីបេក្ខនារីមកពីប្រទេសផ្សេងៗដែលត្រូវបានប្រកាសអោយទទួលពាននៅលើវេទិកា បើទោះជាពាននោះជាពានកិត្តិយស សម្រាប់បេក្ខនារីរបស់កម្ពុជាដែលត្រូវអ្នកទស្សនាតាមការផ្សាយផ្ទាល់លើផេកដែលត្រូវឃើញថាមិនមានឈ្មោះបានពានណាមួយទាល់តែសោះនោះ ស្រាប់តែមានការប្រកាសនៅលើផេក Miss Cambodia Beauty Pageant ថានាងទទួលបានពានប្រជាប្រិយនៅក្នុងកម្មវិធី ដោយសារតែមានអ្នកបោះឆ្នោតពេញចិត្តបានច្រើនជាង។ ម្នាក់ៗមានការចោទសួរយ៉ាងខ្លាំងថាបើនាងទទួលបានពានជាកិត្តិយសមួយនេះ ហេតុអ្វីបានជាត្រូវប្រគល់អោយក្រោយវេទិកា ហើយមិនមានការប្រកាសអោយបានទូលំទូលាយ។

យ៉ាងណាក៏ដោយនៅលើផេកដដែលនោះក៏មិនបានបញ្ជាក់អោយច្បាស់ពីការទទួលពាននេះដែរ។
​

ដ្បិតថាមានការអបអរក្រោយការប្រកាសលើផេករបស់ Miss Cambodia Beauty Pageant ថាបេក្ខនារីកម្ពុជាបានទទួលបានជាស្រីស្អាតដែលមានប្រជាប្រិយភាពជាងគេនៅលើបណ្ដាញសង្គមក៏ពិតមែន ប៉ុន្តែពានរង្វាន់របស់នាងហាក់មិនត្រូវបានបំផុសយ៉ាងទូលំទូលាយអោយដឹងជាសាធារណៈនោះទេ ក្រៅពីមិនបានប្រកាសអោយនៅលើវេទិកាដូចគ្នានឹងបេក្ខនារីដែលត្រូវទទួលពាននៅក្នុងវេទិកាMiss Grand International កាលពីយប់ថ្ងៃទី២៥ តុលានោះ។ វីដេអូបានទទួលបានពានរបស់នាងត្រូវបានគេបង្ហោះតែមួយកំណាត់ប៉ុណ្ណោះ គឺនៅពេលដែលនាងបានទទួលរួចហើយ តែត្រង់ទិដ្ឋភាពប្រគល់ក៏មិនមាន ហើយការទទួលនោះទៀតសោតក៏ទទួលក្នុងបន្ទប់តែងខ្លួនដែលហាក់ដូចជាពានមិនសមនឹងការប្រឹងប្រែងរបស់នាងនោះឡើយ។ យ៉ាងណាមិញ មានការសង្ស័យថាប្រហែលជាពានដែលនាងទទួលបាននោះ អាចជាពានដែលរៀបចំដោយក្រុមហ៊ុនមួយផ្សេងដែលមិនពាក់ព័ន្ធនឹងកម្មវិធី Miss Grand International ទើបការប្រគល់ពានរបស់នាងហាក់ដូចជាស្ថិតក្នុងសភាពមិនសូវសមទំនង និងធ្វើអោយមានការរិះគន់ចំពោះស្នាដៃដែលនាងទទួលបាន។

https://youtu.be/vSmmlbDBU7s

អ្នកលេងហ្វេសប៊ុកនិយាយថាបើការប្រគល់ពាននេះត្រូវបានរៀបចំដោយក្រុមហ៊ុនមួយផ្សេងដែលមានបំណងចង់លើកទឹកចិត្តដល់នាងដែលទទួលបាននូវភាពលេចធ្លោជាងគេក្នុងចំណោមបេក្ខនារីដែលតម្រូវអោយមានអ្នក Like និងShare នៅលើហ្វេសប៊ុក ក៏គួរតែរៀបចំជាទីតាំងតូចមួយនៅខាងក្រៅពិធីហើយប្រគល់អោយសមជាងនេះដែរ គឺមិនមែនយកមកប្រឡល់អោយនាងនៅកន្លែងតែងខ្លួន ហើយប្រគល់ដោយគ្មានកិត្តិយសយ៉ាងហ្នឹងនោះឡើយ។

យ៉ាងណាមិញគេមិនទាន់ដឹងថាតើពាននោះពិតជាការរៀបចំដោយក្រុមហ៊ុនខាងក្រៅ ឬយ៉ាងណានៅឡើយទេ ក្នុងពេលដែលពានដែលនាងទទួលបានគឺមានលំនាំនឹងពានដែលបេក្ខនារីមកពីប្រទេសផ្សេងទៀតបានទទួលលើឆាកនោះដែរ ប៉ុន្តែបែរជាយកមកប្រគល់អោយនាងនៅខាងក្រោយវេទិកា ប្រគល់នៅកន្លែងតែងខ្លួន ហើយហាក់ដូចជាមិនមានការប្រកាសជាចំហរក្រោយការប្រគល់អោយនោះទៅទៀត។ អ្នកសរសេរបង្ហោះបានត្រឹមតែអះអាងថានោះជាពានប្រជាប្រិយភាពពីកម្មវិធី Miss Grand international ប៉ុណ្ណោះ ប៉ុន្តែមិនបានបង្ហាញតួលេខបោះឆ្នោតអោយឃើញថានាងបាននាំមុខគេក្នុងចំនួនLike និង Share ក្នុងចំនួនណានោះទេ។

យ៉ាងណាមិញ មានការប៉ាន់ស្មានថាខ្លឹម ស្រីគា ប្រហែលជាបាននាំមុខគេសម្រាប់ការបោះឆ្នោតលើផេក Miss Cambodia Beauty Pageant បើទោះជាការប្រគល់ជូនពាននេះអោយនាងហាក់មានភាពតក់ក្រហក់ ហើយមើលទៅមិនសមទំនងបន្តិចក្ដី៕