ផ្ទះ ព័ត៌មានសិល្បៈ និងកម្សាន្ត គួរសរសើរ គង់ ...

គួរសរសើរ គង់ សុជាតិ និង គង់ ច័ន្ទស្រីមុំ ក្នុងរឿងមួយនេះ

0

មិនមែនជារឿងចៃដន្យនោះទេ ប៉ុន្តែគេកត់សម្គាល់ថា តារាស្រី២ដួង មិនត្រឹមតែមានត្រកូលដូចគ្នាប៉ុណ្ណោះទេ ប៉ុន្តែអ្នកទាំងពីរ ក៏ក្លាយជាតំណាងផលិតផលដូចគ្នា ក្រោយមានកូនស្រីដូចគ្នា ហើយក៏ជាសិល្បការិនី ដែលមានសកម្មភាពពាក់ព័ន្ធគ្នារាប់មិនអស់នោះផង។ ជាក់ស្ដែងអ្នកទាំងពីរមុននេះ ទើបតែបានបរិច្ចាគថវិកាមួយរួមគ្នា ជួយដល់កុមារកម្ពុជា ដែលធ្វើឲ្យអ្នកតាមដាន ពីជីវិតឯកជនរបស់អ្នកទាំងពីរ សរសើរមិនដាច់ពីមាត់។

យោងតាមការអះអាង ពិធី​ការិនី ល្បីឈ្មោះ អ្នកនាង​គង់ សុជាតិ និងតារា​សម្តែង ល្បីឈ្មោះ​អ្នកនាង គង់ ច័ន្ទ​ស្រីមុំ បាន​បរិច្ចាក​ថវិកា​ផ្ទាល់ខ្លួនក្នុង​មូលនិធិ​របស់ក្រុមហ៊ុន​ម្សៅ​ទឹកដោះគោ នូ​ទ្រី​លេ​ត ចូលរួម​ក្នុង​កម្មវិធី​សង្គមមួយ ដើម្បី​ជួយ​ដល់​សាលាបឋមសិក្សា មួយ​នៅ​កោះ​សុទិន ក្នុងខេត្តកំពង់ចាម​។​ ការបរិច្ចាគ​នេះ ត្រូវបានធ្វើឡើង កាលពីថ្ងៃអាទិត្យ ទី​១៥ ខែ​ឆ្នូ ឆ្នាំ​២០១៨ កន្លងទៅដោយសិស្សានុសិស្ស ចំនួន​១៩៥​នាក់ នៅ​សាលាបឋមសិក្សា ឈិ​ត គឹម​យា​ត ទទួលបានសម្ភារ:ប្រើប្រាស់ និង​ថិ​វិកា​មួយចំនួន ខណ:ដែលលោកគ្រូ​អ្នកគ្រូ ក៏ទទួលបាន​ថវិកា​៧​លាន​រៀល សម្រាប់​យកទៅ​ប្រើប្រាស់​តាម​តម្រូវការ​។​

​លោកស្រី ខុន កែវ​កេ​សី ជា​នាយក​ប្រតិបត្តិ​ប្រចាំ​ក្រុមហ៊ុន​ម្សៅ​ទឹកដោះគោ នូ​ទ្រី​លេ​ត បាន​មានប្រសាសន៍​នៅក្នុង​កម្មវិធី​ថា “​ដោយសារតែ​ឃើញ សាលា​មាន​ភាពខ្វះខាត ដោយ​សម្ភារ:ប្រើប្រាស់​នៅក្នុង​សាលារៀន ដូចជា តុ កៅអី ទ្វា បង្អួច ព្រមទាំង​អគារ​សាលា មាន​សភាព​ខូចខាត​ខ្លាំង ដែល​នាំឲ្យមាន​ផលវិបាក​ ទើប​ក្រុមហ៊ុន​ម្សៅ​ទឹកដោះគោ នូ​ទ្រី​លេ​ត បាន​បង្កើត​នូវ​មូល​នី​ធិ​មួយ ដែលមាន​ឈ្មោះថា “​មូល​នី​ធិ នូ​ទ្រី​លេ​ត​” ដែលមាន​ការចូលរួម​ពី​សម្បុរ​សជន​នានា ដូចជា អ្នក នាង​គង់ សុជាតិ ​លោក​ជា​វិបុល អ្នកនាង គង់ ចាន់​ស្រីមុំ ​លោក គឹម សីហា​, និងសប្បុរសជនផ្សេងទៀតដូចជា លោក កែវ បូរ៉ា ,​ដេប៉ូ តែ ទិច​ឡុង​, ហាង​លក់​សម្ភារ:​ទារក និង​កុមារ បេ​ប៊ី ឃែ​រ , អាយ បេ​ប៊ី​សប​, គង់ ណាវី និង​សម្បុរ​សជន​ជាច្រើន​ទៀត​ រហូតទទួលបានថវិកានេះ។ ​លោកស្រី​បាន​បន្តទៀតថា គោលបំណង​ក្នុងការ​បង្កើត​មូ​និ​ធិ​នេះ​ឡើង គឺ​ដើម្បី​ចូលរួមចំណែក បន្តិចបន្តួច ក្នុងការ​ចូលរួម​អភិវឌ្ឍន៍​វិស័យ​អប់រំ ក្នុង​នៅក្នុង​ប្រទេស​កម្ពុជា និង​ចែករំលែក ក្តី​ស្រលាញ់​ដល់​ប្អូនៗ​កុមារ​កម្ពុជា​។

ជាមួយនឹងការចូលរួមរបស់ អ្នកនាង គង់ សុជាតិ និង អ្នកនាង គង់ ច័ន្ទស្រីមុំ នេះ ធ្វើឲ្យម្នាក់ៗ សរសើរចំពោះអ្នកទាំងពីរយ៉ាងខ្លាំង ខណ:ដែលអ្នកទាំងពីរប្រកាសថា នឹងបន្តចូលរួមជាមួយ​នឹងមូលនិធិទឹកដោះគោ នូ​ទ្រី​លេ​ត លើកក្រោយៗទៀត ខណ:ដែលផលិតផលនេះ មក​ចែកចាយ​នៅកម្ពុជាជាង​៧ឆ្នាំ​មកហើយ​៕

មតិយោបល់